Jol erejesin elemegen: Shymkenttik depýtat jazalandy

Áleýmettik jelide Shymkent kósheleriniń birinde túsirilgen daýly vıdeo tarap ketti. Kadrlarda joldyń qaq ortasyna toqtap alǵan qymbat jol talǵamaıtyn kólikten adam túsip jatqan sát baıqalady. Júrgizýshi de, jolaýshy da qaýipsizdik beldigin taqpaǵan, dep jazady qandastar.kz

Tekserý nátıjesinde júrgizýshige QR ÁQBtK-niń birneshe baby boıynsha ákimshilik is qozǵaldy. Oǵan taǵylǵan aıyptar: jalǵan nómir taǵyp júrý, qarsy jolaqqa shyǵý, mindetti saqtandyrýdyń bolmaýy, qaýipsizdik beldigin taqpaý, tyıym salynǵan jerde keri júrý jáne burylys aldynda belgi bermeý. Kólik aıyppul turaǵyna jetkizildi. Al júrgizýshimen profılaktıkalyq áńgime júrgizilgen.

Jýrnalıst Mıhaıl Kozachkovtyń habarlaýynsha, tártip buzýshy – Túrkistan oblysy Baıdibek aýdandyq máslıhatynyń depýtaty, «Qarabatyr» JShS dırektory Erǵalı Amanbaev. Ol «Amanat» partııasynyń múshesi bolyp tabylady. Partııanyń aýdandyq fılıalynyń Instagram paraqshasynda Amanbaevtyń qurylys nysandaryn aralap júrgen sýretteri jarııalanǵan.