جولاۋشى قىزدارعا الىمساقتىق جاسادى: “جاڭا ادامدار” تاكسيستتى اشكەرەلەدى

فوتو: اشىق دەرەككوز

جولاۋشى قىزدارعا الىمساقتىق جاسادى: جاڭا ادامدار تاكسيستتىڭ ۇستىنەن ءتۇستى, – دەپ جازادى qandastar.kz

قىزدار تاكسيگە مىنگەندە ادەپسىز ازىلدەرگە, تۇسپالداۋلارعا, تانىسۋ ۇسىنىستارىنا, سونداي-اق جۇرگىزۋشىلەردىڭ ورىنسىز فيزيكالىق قاتىناستارىنا قانشالىقتى ءجيى تاپ بولادى? بۇل سۇراقتىڭ جاۋابىن ءبىلۋ ءۇشىن “جاڭا ادامداردىڭ” «TUMAR» ازاماتتىق ناۋقانى  بەلسەندىلەرى الماتىدا بىرقاتار رەيدتەر جۇرگىزدى. ءبىرىنشى كۇنى بارلىق 7 ساپار كەزىندە ورىنسىز قىرىنداۋلار مەن ەرسىلىكتەر بولدى. ەكسپەريمەنتتىڭ ەكىنشى كۇنى ءتورت ساپاردىڭ تەك بىرەۋى عانا قالىپتى اياقتالدى. باسقا ەكەۋىندە ەرسى مالىمدەمەلەر مەن تۇسپالداۋلار بولدى. ال ءتورتىنشى…

جۇرگىزۋشى ەسىكتەردى ق ۇلىپتاپ, قىزدى جوسپارلانباعان باعدارمەن الىپ كەتتى. ولاردىڭ سوڭىنان ەرگەن TUMAR جوباسى بەلسەندىلەرىنىڭ كولىگى تاكسيدى توقتاتۋعا تىرىستى, بىراق جۇرگىزۋشى ىزىنە تۇسكەندەردەن جالتارۋدى شەشتى. قىسقا قۋدالاۋ ناتيجەسىندە ىشىندە جولاۋشى قىز بار ق ۇلىپتاۋلى كولىك توقتاۋعا ءماجبۇر بولدى. ونىڭ جۇرگىزۋشىسى 1995 جىلى تۋعان ەربولات امانجول ۇلى ەكەنى انىقتالدى. ءبىر قاراعاندا, ول – قاراپايىم ادام جانە لايىقتى وتاعاسى. الايدا, كامەرا, جۇرگىزۋشىنىڭ جولاۋشى قىزعا ادەپسىز سوزدەر ايتىپ قانا قويماي, ساپار بارىسىندا وعان قولىن تيگىزۋگە تىرىسقانىن, ءتۇسىرىپ الدى. بەلسەندىنىڭ ورنىندا, دايىندالعان سوڭىنان ەرۋشى كومانداسى جوق, باسقا قىز بولعان جاعدايدا نە بولاتىنىن ەلەستەتۋ قورقىنىشتى.

جانجال سوڭىندا جۇرگىزۋشى حايۋاندىق قاجەتتىلىگىن قاناعاتتاندىرۋ ءۇشىن رەزەڭكە قۋىرشاق الىپ, قىلمىس ورنىنان ءىزىن سۋىتتى. قۋدالاۋ كەزىندە ەربولات امانجول ۇلىنىڭ كولىگىنىڭ مەملەكەتتىك ءنومىرى ءتۇسىپ, ونىڭ جەكە مالىمەتتەرىن انىقتاۋعا مۇمكىندىك تۋدى. بەلسەندىگە جاسالعان شابۋىل فاكتىسى ءۇشىن جاڭا ادامدار پوليتسياعا ارىز جازدى. كولىگىنىڭ جوعالعان ءنومىرىن شابۋىلداۋشى ۆلاديمير كوككيناكي كوشەسى, 7 ۇيدە ورنالاسقان قوزعالىستىڭ الماتىلىق كامپۋسىنان الىپ كەتە الادى. ارينە, ەگەر باتىلى جەتسە.

ەكسپەريمەنت ايەلدەردىڭ تاكسيدە جۇيەلى تۇردە الىمساقتىققا تاپ بولاتىنىن دالەلدەدى. كەيدە جاعداي فيزيكالىق زورلىق-زومبىلىققا دەيىن جەتەدى. دەسەك تە, بۇل تۋرالى ايتۋ ادەپسىزدىكبولىپ سانالادى. جولاۋشى قىزدار بولعان وقيعانى ۇمىتۋدى ءجون كورەدى. بۇل ازعىنداردىڭ ءوزىن جازاسىز سەزىنۋىنە جانە قىلمىس جاساۋدى جالعاستىرۋىنا مۇمكىندىك بەرەدى.

شاكيزادا سلەمعالي, «TUMAR»: «باستارىڭىزدان وتكەن زورلىق-زومبىلىق پەن الىمساقتىق تۋرالى ايتۋدان قورىقپاڭىزدار. وسى بەينەجازبانىڭ پىكىرلەر بولىمىندە ءوز وقيعالارىڭىزبەن بولىسىڭىزدەر. الەۋمەتتىك جەلىلەردە #tumarsafetaxi حەشتەگىمەنبەينەجازبالار جاريالاپ,  كىمنەن ساق بولۋ كەرەكتىگىن كورسەتىڭىزدەر. ولار جاريا بولۋدان قورقادى. دەمەك ولاردىڭ اتى-ءجونى مەن كولىكتەرىنىڭ مەملەكەتتىك نومىرلەرىن بۇكىل ەلگە كورسەتۋ كەرەك. ولاردىڭ قىلمىستارى تۋرالى بۇكىل قازاقستان ءبىلسىن»!