Jolaýshy qyzdarǵa alymsaqtyq jasady: “Jańa adamdar” taksıstti áshkereledi

Foto: ashyq derekkóz

Jolaýshy qyzdarǵa alymsaqtyq jasady: Jańa adamdar taksısttiń ústinen tústi, – dep jazady qandastar.kz

Qyzdar taksıge mingende ádepsiz ázilderge, tuspaldaýlarǵa, tanysý usynystaryna, sondaı-aq júrgizýshilerdiń orynsyz fızıkalyq qatynastaryna qanshalyqty jıi tap bolady? Bul suraqtyń jaýabyn bilý úshin “Jańa adamdardyń” «TUMAR» azamattyq naýqany  belsendileri Almatyda birqatar reıdter júrgizdi. Birinshi kúni barlyq 7 sapar kezinde orynsyz qyryndaýlar men ersilikter boldy. Eksperımenttiń ekinshi kúni tórt sapardyń tek bireýi ǵana qalypty aıaqtaldy. Basqa ekeýinde ersi málimdemeler men tuspaldaýlar boldy. Al tórtinshi…

Júrgizýshi esikterdi qulyptap, qyzdy josparlanbaǵan baǵdarmen alyp ketti. Olardyń sońynan ergen TUMAR jobasy belsendileriniń kóligi taksıdi toqtatýǵa tyrysty, biraq júrgizýshi izine túskenderden jaltarýdy sheshti. Qysqa qýdalaý nátıjesinde ishinde jolaýshy qyz bar qulyptaýly kólik toqtaýǵa májbúr boldy. Onyń júrgizýshisi 1995 jyly týǵan Erbolat Amanjoluly ekeni anyqtaldy. Bir qaraǵanda, ol – qarapaıym adam jáne laıyqty otaǵasy. Alaıda, kamera, júrgizýshiniń jolaýshy qyzǵa ádepsiz sózder aıtyp qana qoımaı, sapar barysynda oǵan qolyn tıgizýge tyrysqanyn, túsirip aldy. Belsendiniń ornynda, daıyndalǵan sońynan erýshi komandasy joq, basqa qyz bolǵan jaǵdaıda ne bolatynyn elestetý qorqynyshty.

Janjal sońynda júrgizýshi haıýandyq qajettiligin qanaǵattandyrý úshin rezeńke qýyrshaq alyp, qylmys ornynan izin sýytty. Qýdalaý kezinde Erbolat Amanjolulynyń kóliginiń memlekettik nómiri túsip, onyń jeke málimetterin anyqtaýǵa múmkindik týdy. Belsendige jasalǵan shabýyl faktisi úshin Jańa adamdar polıııaǵa aryz jazdy. Kóliginiń joǵalǵan nómirin shabýyldaýshy Vladımır Kokkınakı kóshesi, 7 úıde ornalasqan Qozǵalystyń almatylyq kampýsynan alyp kete alady. Árıne, eger batyly jetse.

Eksperıment áıelderdiń taksıde júıeli túrde alymsaqtyqqa tap bolatynyn dáleldedi. Keıde jaǵdaı fızıkalyq zorlyq-zombylyqqa deıin jetedi. Desek te, bul týraly aıtý ádepsizdikbolyp sanalady. Jolaýshy qyzdar bolǵan oqıǵany umytýdy jón kóredi. Bul azǵyndardyń ózin jazasyz sezinýine jáne qylmys jasaýdy jalǵastyrýyna múmkindik beredi.

Shakızada Slemǵalı, «TUMAR»: «Bastaryńyzdan ótken zorlyq-zombylyq pen alymsaqtyq týraly aıtýdan qoryqpańyzdar. Osy beınejazbanyń pikirler bóliminde óz oqıǵalaryńyzben bólisińizder. Áleýmettik jelilerde #tumarsafetaxi heshtegimenbeınejazbalar jarııalap,  kimnen saq bolý kerektigin kórsetińizder. Olar jarııa bolýdan qorqady. Demek olardyń aty-jóni men kólikteriniń memlekettik nómirlerin búkil elge kórsetý kerek. Olardyń qylmystary týraly búkil Qazaqstan bilsin»!