«جولداسىم فيلمگە تۇسۋگە رۇقسات ەتپەيدى»: اشا ماتاي ونەردەن نەلىكتەن الشاقتاپ قالعانىن ايتتى

فوتو: instagram.com/ asha_matai

تانىمال ءانشى, اكتريسا اشا ماتاي ونەردەن نەلىكتەن الشاقتاپ كەتكەنى تۋرالى «1001 ءتۇن» باعدارلاماسىندا ايتتى, دەپ حابارلايدى Azattyq Rýhy.

باعدارلامادا اشا ماتاي جانۇياسىنا بار ۋاقىتىن ارناپ جۇرگەنىن تىلگە تيەك ەتتى. ال كينولارعا كۇيەۋىنىڭ ءوتىنىشى بويىنشا تۇسپەي ءجۇر ەكەن.

«جولداسىم فيلمگە تۇسۋگە رۇقسات ەتپەيدى. ول راس. ءوزىنىڭ جارىن قىزعانۋ, قيماۋ بۇل نەگىزى بۇكىل ەر ازاماتتارعا ءتان قاسيەت دەپ ويلايمىن. ونىڭ ۇستىنە ارماننىڭ قولداۋى ەرەكشە. وتاعاسىنا كوپ راقمەت ايتقىم كەلەدى. ساحنادا جارقىراپ, قۇلپىرىپ ءجۇرۋىمنىڭ ءوزى سول كىسىنىڭ ارقاسى, قولداۋى. ءوزىنىڭ «مەنسىز كينوعا تۇسپەشى» دەگەن ءوتىنىشى بار ەدى. مەن سوعان كەلىستىم. تۇسەتىن بولساق بىرگە تۇسەمىز», – دەيدى ونەر يەسى.

ول ءوز سوزىندە بيزنەس سالاسىنا بەت بۇرعانىن ايرىقشا اتاپ ءوتتى.

«قازىرگى تاڭدا مەن ۋاقىتىمدى ۇيگە, بالا-شاعاما, كۇيەۋىمە, ەنەمە ارنايمىن. سونداي كەزەڭدە ءجۇرمىن. بيزنەس سالاسىنا بەت بۇردىم. ال ارمان قازىرگى تاڭدا انشىلىك قىرىنان كورىنۋگە دايىن. بىرنەشە ءان جازىپ جاتىر, حيت بولادى دەپ ويلايمىن», – دەدى اشا ماتاي.