Joldasynyń ıntımdi sýretterin taratqan áıeli sottaldy

Foto: ashyq derekkóz

Sońǵy jyldary jeke ómirge qatysty materıaldardy, fotosýretter men beınelerdi ıeleriniń kelisiminsiz taratý máselesi jeke aqparat pen adam quqyqtaryn qorǵaý salasyndaǵy eń ózekti máselelerdiń birine aınaldy, dep habarlady Qandastar.kz.

Bas prokýratýranyń habarlaýynsha, árbir turǵyn joldasyna nemese tanystaryna jeke ómirine qatysty fotosýretterdi jibergeni úshin bas bostandyǵynan aıyrý túrindegi jazaǵa tartylatyn jaǵdaıǵa tap bolýy múmkin ekenin aıtyp ótti.

Máselen, áıeli qyzǵanyshtan kúıeýiniń ıntımdik sýretin «WhatsApp» mobıldi messendjeri arqyly taratqan.

Oral prokýratýrasynyń memlekettik aıyptaýshysynyń tabandy ustanymyn eskere otyryp, sottalýshynyń kinási tolyq dáleldendi, Oral qalalyq sotynyń úkimimen ol 3 jylǵa bas bostandyǵynan aıyryldy

Sol sııaqty, er azamat áıeliniń jeke sýretin taratqany úshin 3 jylǵa bas bostandyǵynan aıyryldy.

Úkimder zańdy kúshine endi.

Máseleniń ózektiligin eskere otyryp, Batys Qazaqstan oblysynyń prokýratýrasy barlyq azamattar men zańdy tulǵalardy zańdy saqtaýǵa jáne basqa adamdardyń quqyqtary men qadir-qasıetin qurmetteýge shaqyrady.

Jeke ómirge qol suǵylmaýshylyq materıaldaryn kelisimsiz taratý aýyr moraldyq zııan keltirip qana qoımaı, 6 jylǵa deıin bas bostandyǵynan aıyrýǵa qylmystyq jaýapkershilikke ákelýi múmkin.

Sonymen qatar, biz ıfrlyq qaýipsizdiktiń mańyzdylyǵyn eske salamyz: ınternette qandaı materıaldarmen jáne kimmen bólisetinińizge muqııat bolý kerek.