جولداۋ الداعى جولىمىزدى سارالاپ بەرەدى

فوتو: جەكە قورىنان

پرەزيدەنت جولداۋى حالقىمىزدىڭ الەۋمەتتىك-ەكونوميكالىق جاعدايىن جاقسارتۋعا, ادام ءومىرىنىڭ قاۋىپسىزدىگىن قورعاۋعا, قوعامداعى تۇيىتكىلدى ماسەلەلەردى دەر كەزىندە شەشىپ, حالىقتىڭ مۇددەسىن جاقسارتۋعا باعىتتالىپ كەلەدى.

بىلتىرعى جولداۋدان سوڭ 1 قاڭتاردان باستاپ ەڭ تومەنگى جالاقى 85 مىڭ تەڭگە بولدى. بۇل شارا 1 ميلليون 800 مىڭ ادامنىڭ, ونىڭ ىشىندە بيۋدجەت سالاسىندا ەڭبەك ەتەتىن 350 مىڭ ازاماتتىڭ ءال-اۋقاتىن ارتتىرۋعا سەپتىگىن تيگىزدى. مەملەكەت باسشىسى كامەلەتكە تولماعاندارعا جاسالعان زورلىق-زومبىلىقتىڭ كەز-كەلگەن تۇرىنە قاتىستى جازانى كۇشەيتۋدى تالاپ ەتتى.

«بۇل ءوز كەزەگىندە جاس ۇرپاقتىڭ بولاشاعىن ويلاۋ دەپ بىلەمىن. بۇگىنگى جاس ۇرپاق – ەرتەڭگى ەلدىڭ بولاشاعى. اتوم ەلەكتر ستانتسياسىن سالۋ نەمەسە سالماۋ ماسەلەسى – بۇل ەلىمىزدىڭ بولاشاعىنا قاتىستى اسا ماڭىزدى ماسەلە. سوندىقتان ونى جالپىۇلتتىق رەفەرەندۋم ارقىلى شەشكەن ءجون دەپ سانايمىن», – دەدى مەملەكەت باسشىسى.

رەفەرەندۋم – ازاماتتىق قوعامنىڭ بەدەلى مەن حالىققا دەگەن سەنىمنىڭ كورسەتكىشى دەپ بىلەمىن. بۇل ءوز كەزەگىندە «حالىق ۇنىنە قۇلاق اساتىن مەملەكەت» تۇجىرىمداماسىنىڭ فورماتى.

بۇعان قوسا مەملەكەت باسشىسىنىڭ تاريحتى تۇگەندەۋمەن ناعىز ماماندار اينالىسسىن دەپ قاداپ ايتىپ, ەلدىڭ وتكەنىنە قاتىستى دەرەكتەردى ءبىر جۇيەگە ءتۇسىرۋدى تاپسىرۋى دەر كەزىندە ايتىلعان وتە ورىندى ۇسىنىس.

پرەزيدەنتتىڭ تاپسىرماسىنا وراي قازاقستاننىڭ جەتى تومنان تۇراتىن جاڭا اكادەميالىق تاريحىن جازۋ جۇمىستارى جۇيەلى قولعا الىندى. بۇل ىسكە ەلىمىزدىڭ 250 عالىمى, ودان بولەك بىرقاتار شەتەلدىك مامان اتسالىسىپ جاتىر. اتالعان ەڭبەكتىڭ دەربەس ءبىر تومى جوشى ۇلىسىنا ارنالدى. ۇلتتىق قۇرىلتايدا بەرىلگەن بۇل تاپسىرما تاريحتاعى تالاي ەكىۇشتى دەرەكتەرگە نۇكتە قويارى تالاسسىز.

پرەزيدەنت باسشىسى حالىقتىڭ كوكەيىندە جۇرگەن ماسەلەلەردى كوتەرۋدە. الدا جاريالاناتىن جولداۋى دا  حالىقتىڭ كوڭىلىنەن شىقتى دەپ ايتا الامىن. ەندىگى كەزەكتە ءبىزدىڭ اۋىزبىرشىلىك ماڭىزدى. ادىلەتتى قازاقستان جولىندا بارشاڭىزدى ءبىر بولىپ, ەل يگىلىگى ءۇشىن جۇمىس جاساۋعا شاقىرامىن!

تابۋلدەنوۆ الىبەك نۇرماعامبەت ۇلى,

احمەت بايتۇرسىن ۇلى اتىنداعى

قوستاناي وڭىرلىك ۋنيۆەرسيتەتىنىڭ

الەۋمەتتىك-گۋمانيتارلىق پاندەر

كافەدراسىنىڭ قاۋىمداستىرىلعان پروفەسسورى,

تاريح عىلىمدارىنىڭ كانديداتى