Joldaý aldaǵy jolymyzdy saralap beredi

Foto: jeke qorynan

Prezıdent Joldaýy halqymyzdyń áleýmettik-ekonomıkalyq jaǵdaıyn jaqsartýǵa, adam ómiriniń qaýipsizdigin qorǵaýǵa, qoǵamdaǵy túıitkildi máselelerdi der kezinde sheship, halyqtyń múddesin jaqsartýǵa baǵyttalyp keledi.

Byltyrǵy Joldaýdan soń 1 qańtardan bastap eń tómengi jalaqy 85 myń teńge boldy. Bul shara 1 mıllıon 800 myń adamnyń, onyń ishinde bıýdjet salasynda eńbek etetin 350 myń azamattyń ál-aýqatyn arttyrýǵa septigin tıgizdi. Memleket basshysy kámeletke tolmaǵandarǵa jasalǵan zorlyq-zombylyqtyń kez-kelgen túrine qatysty jazany kúsheıtýdi talap etti.

«Bul óz kezeginde jas urpaqtyń bolashaǵyn oılaý dep bilemin. Búgingi jas urpaq – erteńgi eldiń bolashaǵy. Atom elektr stanııasyn salý nemese salmaý máselesi – bul elimizdiń bolashaǵyna qatysty asa mańyzdy másele. Sondyqtan ony jalpyulttyq referendým arqyly sheshken jón dep sanaımyn», – dedi Memleket basshysy.

Referendým – azamattyq qoǵamnyń bedeli men halyqqa degen senimniń kórsetkishi dep bilemin. Bul óz kezeginde «Halyq únine qulaq asatyn memleket» tujyrymdamasynyń formaty.

Buǵan qosa memleket basshysynyń tarıhty túgendeýmen naǵyz mamandar aınalyssyn dep qadap aıtyp, eldiń ótkenine qatysty derekterdi bir júıege túsirýdi tapsyrýy der kezinde aıtylǵan óte oryndy usynys.

Prezıdenttiń tapsyrmasyna oraı Qazaqstannyń jeti tomnan turatyn jańa akademııalyq tarıhyn jazý jumystary júıeli qolǵa alyndy. Bul iske elimizdiń 250 ǵalymy, odan bólek birqatar sheteldik maman atsalysyp jatyr. Atalǵan eńbektiń derbes bir tomy Joshy ulysyna arnaldy. Ulttyq quryltaıda berilgen bul tapsyrma tarıhtaǵy talaı ekiushty derekterge núkte qoıary talassyz.

Prezıdent basshysy halyqtyń kókeıinde júrgen máselelerdi kóterýde. Alda jarııalanatyn Joldaýy da  halyqtyń kóńilinen shyqty dep aıta alamyn. Endigi kezekte bizdiń aýyzbirshilik mańyzdy. Ádiletti Qazaqstan jolynda barshańyzdy bir bolyp, el ıgiligi úshin jumys jasaýǵa shaqyramyn!

Tabýldenov Álibek Nurmaǵambetuly,

AHMET BAITURSYNULY atyndaǵy

Qostanaı óńirlik ýnıversıtetiniń

áleýmettik-gýmanıtarlyq pánder

kafedrasynyń qaýymdastyrylǵan professory,

tarıh ǵylymdarynyń kandıdaty