Joldaýda AES salýǵa qatysty referendým qashan ótetini aıtyldy

Foto: ashyq dprekkóz

Toqaev el arasynda talqylanyp júrgen AES salý jónindegi referendýmnyń qashan ótetenin aıtty. Bul týraly qandastar.kz aqparat agenttigi habarlaıdy.

“Atom elektr stanııasyn salý máselesine qatysty jalpyulttyq referendým bıylǵy 6 qazanda ótedi. Búgin tıisti Jarlyqqa qol qoıamyn. Aldaǵy referendým keń aýqymdy jalpyulttyq dıalogtyń taǵy bir aıqyn kórinisi bolmaq. Shyn máninde, bul – «Halyq únine qulaq asatyn memleketke» tán sıpat. Biz osyndaı qadamdar arqyly jańa qoǵamdyq-saıası mádenıettiń negizin qalaımyz. Mańyzdy memlekettik sheshimder qabyldaýdyń jańa úlgisin jasaımyz», – deıdi memleket basshysy.

Prezıdent atom elektr stanııasy týraly referendým sekildi mańyzdy sheshimderdiń jurtshylyqpen birlesip jasalýǵa tıis ekenin atap ótti.

“Referendým taqyrybynyń qoǵam talqysyna túskenine bir jyl boldy. Bul azamattarymyzdyń jan-jaqty oılanyp, salmaqty sheshim qabyldaýyna jetkilikti merzim dep oılaımyn. Sondyqtan men Úkimettiń usynysyn qoldaımyn”, – dedi Toqaev.

Eske salaıyq, buǵan deıin Almatyda Qazaqstandaǵy AES qurylysyna qatysty qoǵamdyq talqylaýlar ótti. Talqylaý sońy qaqtyǵys pen daýǵa ulasty. AES salý kerek degen top Qazaqstanda energııa tapshylyǵy barǵan saıyn ýshyǵa beretinin jáne buǵan balama bola alatyn turaqty energııa kózi, jel men Kún energııasy óndiretin qýat turaqsyz ekenin aıtty.