«Joly bolmaı júrdi»: Almas Kishkenbaev Erke Esmahanmen qarym-qatynasy týraly bar shyndyqty aıtty

Otandyq estrada juldyzy Almas Kishkenbaev Erke Esmahanmen qarym-qatynasy týraly bar shyndyqty aıtty,-dep habarlaıdy Qandastar.kz

О́ner ıesi Anna Danchenkoǵa bergen suqbatynda óneri men shyǵarmashylyǵyna qatysty birqatar áńgime qozǵady.

Áńgime barysynda Almas Kishkenbaev oqýǵa túsken kezeńi týraly baıandady. Ol ónerdegi Erke Esmahanmen bir topta oqyǵan bolyp shyqty. «Erkemen bir topta oqydyq. Mýzykalyq emtıhandardyń barlyǵynan joǵary upaı aldyq. Gýmanıtarlyq sabaqtardan sál-sál tómen upaı alyp, oqýǵa túspeı qalýymyz da múmkin edi. Sebebi oqýǵa túsetinderdiń sany shekteýli boldy. Men Superstar.kz jobasyn jeńip kelgennen keıin uıat bolady degen shyǵar. Meni alsa, Erkeni de alýy kerek edi. Oqýǵa almasqa da bolmaıdy dedi me, bilmeımin, ekeýmizdi de qabyldady. Sol jyly-aq keıbir stýdentter shyǵyp ketti, keıbiri aqyly bólimge kóshti. Sodan grantta oqyp, qyzyl dıplomǵa bitirip shyqtyq. Ásem Jáketaeva da bar», – dedi Almas Kishkenbaev.

Osy tusta ánshi Erke Esmahannyń kásibıligine joǵary baǵa berdi. «Erkeniń emtıhanda oryndaǵan ánderi, daýysy keremet. Ol – naǵyz kásibı ári daýysy zor, talǵamy joǵary, myqty ánshi. Bastapqyda «Ińkár» tobynda án aıtty. Mamandyǵy sol bolǵannan keıin biraz izdendi, biraz baıqaýlarǵa da qatysty. Joly bolmaı júrdi. Bári óz eńbeginiń, sodan keıin prodıýseriniń arqasy», – dedi Almas Kishkenbaev.