جاڭالىقتار
جۇدىرىقپەن ۇرىپ, تىزەمەن بەتىنەن تەپكەن: الماتىدا جولدى بولىسە الماعان جۇرگىزۋشىلەردىڭ جانجالى توبەلەسكە ۇلاستى
فوتو: ۆيدەودان سكرينشوت
الماتىدا كولىك جۇرگىزۋشىلەرىنىڭ اراسىنداعى جانجال توبەلەسكە ۇلاستى. وقيعانى جابىرلەنۋشى تاراپ ۆيدەوعا ءتۇسىرىپ العان. بۇل تۋرالى Stan.kz اقپارات اگەنتتىگى حابارلايدى.
جەلىدە تاراعان ۆيدەودان ەر ادامنىڭ «كوبالت» كولىگىنىڭ جۇرگىزۋشىسىن ۇرىپ جاتقانىن كورۋگە بولادى. الدىمەن جۇدىرىقپەن ۇرعان ول كەيىن بەتىنەن تىزەمەن تەپكەن. جانجال جول ۇستىندە بولعان. مۇنى كورگەن وزگە جۇرگىزۋشىلەر ەر ادامدى توقتاتتى.
الماتى پوليتسيا دەپارتامەنتىنىڭ ءباسپاسوز قىزمەتى بۇل جاعدايعا قاتىستى پىكىر ءبىلدىرىپ, كۇدىكتىنىڭ ۇستالعانىن حابارلادى.
«ۇرىپ-سوعۋ دەرەگىنە قاتىستى اۋەزوۆ اۋدانىنىڭ پوليتسيا باسقارماسى قىلمىستىق ءىس قوزعادى. كۇدىكتى ۇستالىپ, پوليتسياعا جەتكىزىلدى. دەنە جاراقاتتارىنىڭ دەڭگەيىن انىقتاۋ ءۇشىن سوت-مەديتسينالىق ساراپتاما تاعايىندالدى. قورىتىندىسى بويىنشا تەرگەۋ ماتەريالدارى سوتقا جىبەرىلەدى», – دەلىنگەن حابارلامادا.
