جاڭالىقتار
جۇك پويىزى 11 جىلقىنى قاعىپ كەتتى
فوتو: polisia.kz
جەتىسۋ وبلىسىندا جۇك پويىزى 8 جىلقىنى قاعىپ كەتتى, دەپ حابارلايدى Qandastar.kz Polisia.kz سىلتەمە جاساپ.
كولىكتەگى پوليتسيا دەپارتامەنتىنىڭ باستىعى باقىتجان مالىباەۆتىڭ ايتۋىنشا 31 تامىزدا جەتىسۋ وبلىسىنىڭ بىجى – باحشا ارالىعىندا جۇك پويىزىنىڭ ءماشينيسى تەمىر جولدا ءۇي جانۋارلارىنىڭ بولۋىنا بايلانىستى شۇعىل تەجەۋ قولداندى. الايدا, قاقتىعىسۋدىڭ الدىن الۋ مۇمكىن بولمادى, سالدارىنان 8 باس جىلقى پويىز استىنا ءتۇستى. جوسپارلانباعان پويىز تۇراعى 14 مينۋتتى قۇرادى.
ءدال سول كۇنى سارىوزەك – ۇشتوبە ارالىعىندا دا وسىنداي فاكت انىقتالدى, وندا جۇك پويىزى 3 باس جىلقىنى قاعىپ كەتتى.
تەكسەرۋ بارىسىندا ۇشتوبە ستانتسياسىنداعى جەلىلىك پوليتسيا ءبولىمىنىڭ قىزمەتكەرلەرى ءۇي جانۋارلارىنىڭ يەلەرىن تاۋىپ, ولاردى تەمىرجولدىڭ بولىنگەن جولاعىندا مال جايۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتتى.
ولار جەتىسۋ وبلىسىنىڭ 44 جانە 55 جاستاعى تۇرعىندارى بولىپ شىقتى. ب.مالىباەۆ كولىك پوليتسەيلەرى ۇنەمى رەيدتەر جۇرگىزىپ, مال يەلەرىمەن اڭگىمەلەر وتكىزىپ, جادىنامالار تاراتىپ, اۋىلشارۋاشىلىق جانۋارلارىنىڭ يەلەرىن مۇقيات بولۋعا شاقىراتىنىن ايتتى.
ۇدايى جۇرگىزىلەتىن پروفيلاكتيكالىق جۇمىستارعا قاراماستان, تۇرعىندار تاراپىنان قۇقىق بۇزۋشىلىقتارعا ءالى دە جول بەرىلۋدە.
– تەمىرجول ارقىلى ءوتۋ تەك وتكەلدەردە, جول وتپەلەرىندە جانە ارنايى بەلگىلەنگەن ورىنداردا عانا رۇقسات ەتىلگەنىن تاعى دا ەسكە سالامىز. دەگەنمەن قاراڭعى, تۇماندى, نوسەر جاڭبىر جانە بوراندى كۇندەرى, ءتىپتى ول جەرلەردەن دە وتۋگە تىيىم سالىنادى, – دەدى ب. مالىباەۆ.
ايتا كەتۋ كەرەك, وسى جىلدىڭ 8 ايىندا كولىكتەگى پوليتسيا دەپارتامەنتىندە پويىزداردىڭ شۇعىل تەجەلۋىنىڭ 1417 دەرەگى تىركەلدى. ەلىمىزدىڭ تەمىر جولدارىندا 1070 جانۋارلاردى قاعىپ كەتۋ فاكتىلەرى بولدى, ونىڭ ىشىندە 355 باس جىلقى, 191 باس ءىرى قارا, 28 ۇساق مال جانە ت.ب.
