Júk poıyzy 11 jylqyny qaǵyp ketti

Foto: polisia.kz

Jetisý oblysynda júk poıyzy 8 jylqyny qaǵyp ketti, dep habarlaıdy Qandastar.kz Polisia.kz silteme jasap.

Kóliktegi polıııa departamentiniń bastyǵy Baqytjan Malybaevtyń aıtýynsha 31 tamyzda Jetisý oblysynyń Byjy – Bahsha aralyǵynda júk poıyzynyń mashınısi temir jolda úı janýarlarynyń bolýyna baılanysty shuǵyl tejeý qoldandy. Alaıda, qaqtyǵysýdyń aldyn alý múmkin bolmady, saldarynan 8 bas jylqy poıyz astyna tústi. Josparlanbaǵan poıyz turaǵy 14 mınýtty qurady.

Dál sol kúni Saryózek – Úshtóbe aralyǵynda da osyndaı fakt anyqtaldy, onda júk poıyzy 3 bas jylqyny qaǵyp ketti.

Tekserý barysynda Úshtóbe stanııasyndaǵy jelilik polıııa bóliminiń qyzmetkerleri úı janýarlarynyń ıelerin taýyp, olardy temirjoldyń bólingen jolaǵynda mal jaıý erejelerin buzǵany úshin ákimshilik jaýapkershilikke tartty.

Olar Jetisý oblysynyń 44 jáne 55 jastaǵy turǵyndary bolyp shyqty. B.Malybaev kólik polıeıleri únemi reıdter júrgizip, mal ıelerimen áńgimeler ótkizip, jadynamalar taratyp, aýylsharýashylyq janýarlarynyń ıelerin muqııat bolýǵa shaqyratynyn aıtty.

Udaıy júrgiziletin profılaktıkalyq jumystarǵa qaramastan, turǵyndar tarapynan quqyq buzýshylyqtarǵa áli de jol berilýde.

– Temirjol arqyly ótý tek ótkelderde, jol ótpelerinde jáne arnaıy belgilengen oryndarda ǵana ruqsat etilgenin taǵy da eske salamyz. Degenmen qarańǵy, tumandy, nóser jańbyr jáne borandy kúnderi, tipti ol jerlerden de ótýge tyıym salynady, – dedi B. Malybaev.

Aıta ketý kerek, osy jyldyń 8 aıynda kóliktegi polıııa departamentinde poıyzdardyń shuǵyl tejelýiniń 1417 deregi tirkeldi. Elimizdiń temir joldarynda 1070 janýarlardy qaǵyp ketý faktileri boldy, onyń ishinde 355 bas jylqy, 191 bas iri qara, 28 usaq mal jáne t.b.