«Jumys berý arqyly qataryn tolyqtyryp jatyr» — áleýmettanýshy sáláfıler týraly

Foto: Adal ADAM

Áleýmettanýshy Talǵat Jaqııanov Adal ADAM youtube arnasyna bergen suhbatynda ár óńirde sáláfı jamaǵattar iri kásipkerlerdiń aınalasyna toptasqanyn aıtty, dep jazdy qandastar.kz

«Búgingi sáláfıshi jamaǵattardyń negizgi aktorlary – ár óńirde, oblysta, qalada, aýdan ortalyqtarynda otyrǵan iri kásipkerler. Kezinde Qazaqstanǵa osy ıdeologııany nasıhattaýǵa kirgizilgen qarajattardyń esebinen qalyptasqan kásipkerler búginde ózderi jumys berýshi bolyp otyr. Sol jumys berý arqyly ózderiniń qatarlaryn tolyqtyrýmen aýnalysýda. Iaǵnı olar óz-ózderin qarjylandyratyn deńgeıge jetti», — dedi Talǵat Jaqııanov.