Jumys berýshiniń rólin arttyrý taqyrybynda halyqaralyq forým ótti

Foto: jeke qorynan

Almatyda jumys berýshiniń rólin arttyrý taqyrybynda halyqaralyq forým ótti, dep jazady qandastar.kz.

Halyqaralyq ınjenerlik-tehnologııalyq ýnıversıtetiniń (MITÝ) bazasynda «Jahandaný jaǵdaıynda bilim berý baǵdarlamalarynyń sapa kórsetkishi retinde kásibı daıyndyqta jumys berýshiniń rólin arttyrý» taqyrybynda halyqaralyq forým ótti. Is-sharaǵa jetekshi kásiporyndardyń jumys berýshileri, MITÝ basshylyǵy, sondaı-aq Túrkııa, Qytaı, Koreıa, Reseı jáne Qyrǵyzstan ýnıversıtetteriniń ókilderi qatysty.

MITÝ rektory, qaýymdastyrylǵan professor G.A. Sarsenbekova óz sózinde ýnıversıtettiń jumys berýshilermen ózara qarym-qatynasy bilim berý  baǵdarlamalarynyń sapasyn jáne stýdentterdiń praktıkalyq daıyndyǵyn arttyrý úshin mańyzdy ekenin atap ótti. Sonymen qatar, ol forým ınnovaııalyq tehnologııalardy, mıkrobiliktilikterdi engizý jáne kásibı daıyndyqty kúsheıtý boıynsha jańa sheshimderdi izdeýde tıimdi alań bolǵanyna toqtaldy.

Plenarlyq otyrysta taqyrypqa oraı keń aýqymdaǵy mańyzdy máseleler qamtyldy. Atap aıtsaq, Huatec Information Technology Co., Ltd. (Qytaı) halyqaralyq bilim berý josparlaý bóliminiń dırektory Tonı San «Bilim berýdi reformalaý men biliktilikti arttyrýdaǵy kóshbasshylyq: ınnovaııalyq tájirıbeler men bilim berý tujyrymdamalary» atty baıandamasynda bilim berýge ınnovaııalyq kózqarastar týraly aıtty. Al, «Atameken» UKP shaǵyn kásipkerlikti damytý jáne halyqaralyq yntymaqtastyq boıynsha damý jónindegi dırektor orynbasarynyń mindetin atqarýshy Tórebekova Janar Meıramqyzy «Eńbek naryǵyn qazirgi zamanǵy syn-qaterlerge beıimdeýdegi shaǵyn jáne orta bıznestiń róli» taqyrybynda ýnıversıtetter men bıznes yntymaqtastyǵynyń qajettiligin atap ótti.

«Akademset» JShS bas dırektory Takabaev Tahır Maratovıch «QR ýnıversıtetterindegi IT-arnaıy mamandyqtardyń óndiristik-tájirıbelik bazasyn damytý» jóninde sóılep, IT-baǵyttardy damytýdaǵy tabysty tájirıbelerimen bólisti. Súleıman Demırel ýnıversıtetiniń (Túrkııa) syrtqy baılanystar departamentiniń basshysy doktor Ibragım Kýbılaı «Ýnıversıtet bilim berý, ǵylym men ónerkásipti biriktirýshi kópir retinde» atty baıandamasynda ártúrli salalardy biriktirýde ýnıversıtetterdiń mańyzdylyǵyna toqtaldy. Global Korea Center dırektory Han Djın Son «Qazaqstannyń óńdeý ónerkásibine arnalǵan ekojúıe qurý jáne ıfrlyq ındýstrııany damytý» jaıynda oı qortyp, MITÝ-men ozyq tehnologııalardy engizý boıynsha strategııalyq seriktestik týraly aıtyp berdi.

Forýmnyń mańyzdy oqıǵasy MITÝ men birqatar jetekshi kompanııalar, onyń ishinde «Aqsaı nan-toqash kombınaty» JShS, «Goji» JShS, «IFC COLOC» JShS, «Almatyenergosbyt» JShS, «Byte Machine» JShS jáne basqa da uıymdar arasynda yntymaqtastyq týraly kelisimderge qol qoıý boldy. Kelisimder bilim berý baǵdarlamalaryn birlesip ázirleýdi, dýaldy oqytý jobalaryn júzege asyrýdy jáne stýdentterdiń ǵylymı-zertteý jáne praktıkalyq qyzmetke qatysýyn kózdeıdi.

Forýmnyń ekinshi bóliginde kadrlardy daıarlaý baǵyttary boıynsha paneldik sessııalar ótti. Onda «Bıohımııalyq ınjenerııa» — «Ekoservıs» JShS, «Goji» JShS, «LOTTE Rahat» AQ jáne basqa da uıymdarmen seriktestik, «Ekonomıka jáne bıznes» — «Kaspi Bank» AQ, «ASSA Global Limited» JShS jáne basqa da uıymdarmen yntymaqtastyq, «Baǵdarlamalyq ınjenerııa» — Qazaqstan blokcheın-tehnologııalar qaýymdastyǵymen jáne «MaxImagine» JShS-men ózara árekettesý, «Azyq-túlik óndiristeriniń tehnıkasy men tehnologııalary» — «Aqsaı nan-toqash kombınaty» JShS jáne «Shın-Laın» JShS-men seriktestik jaıy qamtylyp, naqty kelisimder jasyldy.

Sessııalar barysynda teorııa men praktıkany biriktirý, mıkrobiliktilikterdi engizý jáne bilim berý baǵdarlamalaryn birlesip ázirleý máseleleri talqylandy. Forým nátıjesinde ósimdikterdi qorǵaý salasyndaǵy mamandanýlardy qosa alǵanda, jeke oqytý traektorııalaryn ázirleý týraly sheshim qabyldandy. Sondaı-aq jumys berýshi kásiporyndar ǵylymı taǵylymdamalar men óndiristik praktıkany ótkizýge yntymaqtastyq jasaýǵa daıyn ekendikterin bildirdi. Jumys berýshilermen birlesip onlaın oqytýdy engizý jobalary josparlandy.

Forýmnyń praktıkalyq bólimi robototehnıkalyq júıeler kórmesin jáne stýdentter ázirlegen sút ónimderin degýstaııalaýdy qamtydy. Forým bilim berý, ǵylym jáne bıznes ıntegraııasynyń suranysqa ıe mamandardy daıarlaýdaǵy mańyzdylyǵyn rastady jáne ózara tıimdi yntymaqtastyq úshin jańa múmkindikter ashty.