جۇمىس ۋاقىتىن وزگەرتۋ كەپتەلىستى شەشپەيدى – ءماجىلىس دەپۋتاتى

استانادا كولىك كەپتەلىسىن ازايتۋ ماقساتىندا جۇمىس ۋاقىتى وزگەرتىلدى, دەپ حابارلايدى Qandastar.kz. بۇل تاجىريبە دامىعان ەلدەردە دە قولدانىلادى. دەگەنمەن ءماجىلىس دەپۋتاتى ەلنۇر بەيسەنباەۆ ءىرى مەگاپوليستەردە, استانادان باسقا قالالاردا, جۇمىس ۋاقىتىن وزگەرتۋ كەپتەلىستى شەشپەيدى دەپ ەسەپتەيدى.

دەپۋتاتتىڭ ايتۋىنشا, استانادا ايتارلىقتاي كەپتەلىس جوق.

«جەكە مەگاپوليستەردە كەپتەلىس ماسەلەسىن تەك جۇمىس ۋاقىتىن وزگەرتۋ ارقىلى شەشۋ مۇمكىن ەمەس. مۇنى شەشۋدىڭ ءبىر عانا جولى بار – قوعامدىق كولىكتەرگە تولىق مۇمكىندىك بەرۋ. سونداي-اق, قوعامدىق كولىكتەر ءۇشىن ارنايى جولاقتار جاساۋ قاجەت», – دەيدى دەپۋتات.

ونىڭ پىكىرىنشە, جولداعى كەپتەلىستى ازايتۋ ءۇشىن قوعامدىق كولىكتىڭ تيىمدىلىگىن ارتتىرۋ باستى شەشىم بولىپ تابىلادى.