جۇمىستان بوساتىلادى: قازاقستاندا شەنەۋنىكتەر مەن اسكەريلەرگە ءباس تىگۋگە تىيىم سالاتىن زاڭ ماقۇلداندى

سەنات دەپۋتاتتارى شەنەۋنىكتەرگە ءباس تىگۋگە تىيىم سالاتىن زاڭدى ەكىنشى وقىلىمدا ماقۇلدادى. بۇل قۇجاتتى مەملەكەت باسشىسىنا قول قويۋعا جىبەردى,-دەپ حابارلايدى Qandastar.kz

دەپۋتاتتار ماقۇلداعان زاڭدارعا ەنگىزىلگەن تۇزەتۋلەر قۇمار ويىندار مەن لوتەرەيا قىزمەتىنە قاتىستى. ء«يا, بۇل نورما (لاۋازىمدى تۇلعالارعا قۇمار ويىندار ويناۋعا تىيىم سالۋ تۋرالى – رەد.ەسكەرتپەسى) ەنگىزىلدى – بۇل قوعام بەلسەندىسى, «ادىلدىك جولى»قوعامدىق ۇيىمىنىڭ توراعاسى ديدار سماعۇلوۆ باستاماشى بولعان پەتيتسياعا تولىعىمەن سايكەس كەلەدى. از ۋاقىتتىڭ ىشىندە بۇل پەتيتسيانى ءبىزدىڭ تۋريزم جانە سپورت مينيسترلىگى قارادى. جۇمىس توبىنىڭ بارلىق مۇشەلەرى ءبىراۋىزدان ونى تولىق قاناعاتتاندىرۋ تۋرالى شەشىم قابىلدادى», – دەدى ۆيتسە-مينيستر ميراس تولەباەۆ. سپيكەردىڭ ايتۋىنشا, ەگەر مەملەكەتتىك قىزمەتكەر نەمەسە اسكەري قىزمەتشى تىيىمدى بۇزىپ, ءباس تىگۋ نەمەسە باسقا دا ويىندار مەكەمەسىنە بارسا, قىزمەتىنەن شەتتەتىلەدى. بۇل جاعدايدا ايىپپۇل قاراستىرىلماعان.