«جۇمىسى دا, ءۇيى دە جوق جىگىتكە تۇرمىسقا شىقتىم»: جازيرا بايىربەكوۆا قىزدارعا كەڭەس بەردى

فوتو: اشىق دەرەككوز

ءانشى جازيرا بايىربەكوۆا تۇرمىس قۇرماعان قىزدارعا كەڭەس بەرىپ, جەكە ومىرىنەن سىر شەرتتى, دەپ حابارلايدى Skifnews.kz اقپارات پورتالى. 

ونەر يەسىنىڭ ايتۋىنشا, بۇگىندە جاستار تۇرمىس قۇراتىن بولسا, ماتەريالدىق جاعدايعا كوپ كوڭىل ءبولىپ كەتەدى.

“قىزدارعا قانداي كەڭەس بەرەسىز?” دەيدى. ءبىزدىڭ تاجىريبەمىز قازىرگى جاستارعا وتپەيدى. ءار زاماننىڭ ءوز تالابى بار. مىسالى, مەن جۇمىسى دا, ءۇيى دە, اتاعى دا جوق جىگىتكە تۇرمىسقا شىقتىم. بارىنە بىرگە ءجۇرىپ جەتتىك. قازىر ءۇيى بار ما, بيزنەسى, جۇمىسى بار ما, ماماندىعى قانداي, اكە-شەشەسى نەمەن اينالىسادى, ءبارى ماڭىزدى دەيدى. قايسىسى دۇرىس, ناقتى بىلمەيمىن. بىراق ماحاببات بىرگە تۇرعاندا سىيلاستىققا, دوستىققا, باۋىر باسۋعا اينالماسا, وشىپ قالادى. ماحاببات تا, بايلىق تا, اتاق-داڭق تا جوعالۋى مۇمكىن. تەك مەيىرىمدى ادامنىڭ مەيىرىمدىلىگى عانا جانىڭدا قالادى», – دەپ وي ءبولىستى ءانشى.