«Júregim aýyrdy»: Jýrnalıst Japonııadaǵy EXPO kórmesindegi Qazaqstannyń pavılonyn synǵa aldy

Foto: vıdeodan skrın

Elimizdiń pavılony tym jupyny ekenin málimdedi.

«Bizdiń ómirimiz úshin bolashaq qoǵamyn qurý» atty kórmege álemniń 158 eli men 9 halyqaralyq uıymy qatysyp jatyr, dep habarlaıdy  qandastar.kz     Skifnews.kz aqparat portalyna silteme jasap.

Aǵymdaǵy jyldyń 13 sáýir-13 qazan aralyǵynda ótetin jahandyq kórmede Qazaqstannyń pavılony da ornalasqan. Alaıda, jýrnalıst Aınur Asanberdi elimizdiń pavılony tym jupyny ekenin málimdedi.

“Osaka. EXPO 2025. Qazaqstan pavılony. Júregim aýyrdy… Búkil álem bolashaqpen tynystap jatyr. Amerıkalyqtar — aıǵa úı salamyz deıdi. Nemister — ushatyn kólikpen keledi. Japondar — robot pen rýhty biriktirip otyr. Túrkimenstan men Ázirbaıjannyń jeke ǵımaraty, ózindik stıli, aıtary bar. Al biz… jartylaı kıiz úı. Jartylaı uıat. Jartylaı qatysý. Jartylaı el ekenimizdi tanytqandaı… Ult bolmysyn tanytýdyń ornyna, buryshtaǵy qarapaıym dekoraııaǵa aınalyp qalǵandaımyz. Túsinem, qarapaıymdyq – qasıet. Biraq mundaı aýqymdy sahnada bulaı pozor bolǵansha eshteńe qoımaǵan jón be edi. Jaraıdy qoıǵan ekenbiz, qanshama adam sol EKSPO úshin jarty jylǵa Japonııaǵa keldi. Solar eń bolmasa ádemilep aqparat berip shyǵaryp salsa ǵoı shirkin… Sonsha izdep baryp óz elimniń kúıine qarap kóńil qulazydy… Tipti qarsy alyp turǵan jigit eshkimdi jaqtyryp turǵan joq”, — deıdi ol jelidegi paraqshasynda.

Sondaı-aq, jýrnalıst kúnshyǵys eline Qazaqstannyń pavılonyn aparǵan jaýaptylardy jergilikti barlardan jıi kóretinin de jasyrmady.

“Maqsatym elimizdi synaý emes. Tek osy kórmeniń sońynda 10 adam júr. Bárin Osakada barda syra iship otyrǵandaryn kórdim. Myna jerge kelgenderdi kútip alyp eshteńe qoımasa da aqparat berse degen oı ǵana”, — dep jazdy ol Instagram stories-te.