«جۇرەگىم جارىلارداي قۋاندىم». ءانشى جارقىناي حانايىم بۇرىنعى كۇيەۋى ايدار اسقاربەكپەن قايتا قوسىلدى

تانىمال ءانشى, اكتريسا جارقىناي حانايىم ءوزىنىڭ ينستاگرام-پاراقشاسىندا بۇرىنعى كۇيەۋى ايدار اسقاربەكپەن قۇشاقتاسىپ تۇسكەن سۋرەتىن جاريالادى, – دەپ حابارلايدى Massaget.kz تىلشىسى.

بۇل سۋرەتتى كورگەن جەلى قولدانۋشىلارى جۇلدىزدى جۇپتى جارىسا قۇتتىقتاپ جاتىر.

ء«ار ايەل سۇيىكتى جارىمەن بولۋعا لايىقتى», «وسى كۇندى قاتتى كۇتتى. جۇرەگىم جارىلارداي قۋاندىم عوي», «بۇگىنگى تاڭىم وسى ەكەۋىنىڭ قوسىلۋىمەن باستالدى, وسىلاردىڭ قوسىلعانىن تىلەپ جۇرگەنىمە قانشا ۋاقىت بولدى», – دەپ جازدى الەۋمەتتىك جەلى قولدانۋشىلارى.

ەسكە سالايىق, 2021 جىلى ءانشى جارقىناي حانايىم كۇيەۋى اكتەر ايدار اسقاربەكپەن اجىراسقان بولاتىن.

ءانشىنىڭ سوزىنشە, اراقاتىناستىڭ اجىراۋىنا قىزعانىش سەبەپ بولعان.

«ول اكتەر رەتىندە كارەراسىن ەندى باستاپ جاتتى. مەن قىز بالا بولعان سوڭ سول عوي, سەميا ءۇشىن كارەرادان, بارىنەن باز كەشە سالاسىڭ. ايدار ريزا بولۋى ءۇشىن ءان ايتپايمىن دا (دەپ ءجۇردىم – ەسك.), ەشنارسە قىزىق تا بولعان جوق. تاعى تۋسام عوي دەگەن نيەتتە ءجۇردىم. ايدار ەندى باستاپ جاتتى. ول ءجيى تۇسىرىلىمدەرگە بارىپ, قارقىندى اكتەر رەتىندە دامۋعا تىرىستى. ماعان ونى باسقا پارتنەرلەرمەن كورۋ اۋىر بولدى. مەنشىكتى مەنىڭ ادامىم بولسا ەكەن دەدىم. ونىڭ ۇستىنە كۇيزەلىس, بوسانعاننان كەيىنگى كۇيزەلىس, ايدار باسقا ورتادا ءجۇر. سونىمەن نۇكتەسى قىزعانىش بولدى. تەلەحيكاياداعى قىزعانىش بولدى. تىم بولماعاندا ايەلى رەتىندە ەمەس, ايلانانىڭ اناسى رەتىندە ءبىر اۋىز ەسكەرتۋ كەرەك پە ەدى دەپ ويلايمىن. قانشا اشۋلانساق تا, ۇرىسىپ جۇرسەك تە قوعام ءۇشىن ەرلى-زايىپتىمىز, ورتادا بالا بار. مەن قاتتى قىزعانبايتىن با ەدىم, قىزعانىش تا ەمەس, ول رەنىشكە كوبىرەك كەلەدى. «وسىنداي ساحنا بولايىن دەپ جاتىر. جارقىناي, رەنجىمە» (دەپ ايتۋى كەرەك ەدى – ەسك.). سۇيىسەتىن ساحنا. ول جىر بولعان وقيعا. …مەن ول نارسەگە شىداعىم كەلگەن جوق», – دەدى ءانشى «مامسكي اڭگىمەدە».