«Júregim jarylardaı qýandym». Ánshi Jarqynaı Hanaıym burynǵy kúıeýi Aıdar Asqarbekpen qaıta qosyldy

Tanymal ánshi, aktrısa Jarqynaı Hanaıym óziniń ınstagram-paraqshasynda burynǵy kúıeýi Aıdar Asqarbekpen qushaqtasyp túsken sýretin jarııalady, – dep habarlaıdy Massaget.kz tilshisi.

Bul sýretti kórgen jeli qoldanýshylary juldyzdy jupty jarysa quttyqtap jatyr.

«Ár áıel súıikti jarymen bolýǵa laıyqty», «Osy kúndi qatty kútti. Júregim jarylardaı qýandym ǵoı», «Búgingi tańym osy ekeýiniń qosylýymen bastaldy, osylardyń qosylǵanyn tilep júrgenime qansha ýaqyt boldy», – dep jazdy áleýmettik jeli qoldanýshylary.

Eske salaıyq, 2021 jyly ánshi Jarqynaı Hanaıym kúıeýi akter Aıdar Asqarbekpen ajyrasqan bolatyn.

Ánshiniń sózinshe, araqatynastyń ajyraýyna qyzǵanysh sebep bolǵan.

«Ol akter retinde karerasyn endi bastap jatty. Men qyz bala bolǵan soń sol ǵoı, semıa úshin kareradan, bárinen baz keshe salasyń. Aıdar rıza bolýy úshin án aıtpaımyn da (dep júrdim – esk.), eshnárse qyzyq ta bolǵan joq. Taǵy týsam ǵoı degen nıette júrdim. Aıdar endi bastap jatty. Ol jıi túsirilimderge baryp, qarqyndy akter retinde damýǵa tyrysty. Maǵan ony basqa partnerlermen kórý aýyr boldy. Menshikti meniń adamym bolsa eken dedim. Onyń ústine kúızelis, bosanǵannan keıingi kúızelis, Aıdar basqa ortada júr. Sonymen núktesi qyzǵanysh boldy. Telehıkaıadaǵy qyzǵanysh boldy. Tym bolmaǵanda áıeli retinde emes, Aılananyń anasy retinde bir aýyz eskertý kerek pe edi dep oılaımyn. Qansha ashýlansaq ta, urysyp júrsek te qoǵam úshin erli-zaıyptymyz, ortada bala bar. Men qatty qyzǵanbaıtyn ba edim, qyzǵanysh ta emes, ol renishke kóbirek keledi. «Osyndaı sahna bolaıyn dep jatyr. Jarqynaı, renjime» (dep aıtýy kerek edi – esk.). Súıisetin sahna. Ol jyr bolǵan oqıǵa. …Men ol nársege shydaǵym kelgen joq», – dedi ánshi «Mamskıı áńgimede».