«Júregimizge aýyr tıdi»: Aınur Tursynbaevanyń kúıeýi 20 jylǵa sottalǵan Arman Jumageldıevke qoldaý bildirdi

Foto: https://www.instagram.com/aidyn_nury/

Aıtysker aqyn Aınur Tursynbaevanyń kúıeýi Qańtar oqıǵasyna qatysyp, 20 jylǵa sottalǵan Arman Jumageldıevke qoldaý bildirdi. Bul týraly  qandastar.kz  Stan.kz aqparat agenttigine silteme jasap habarlaıdy.

Aqynnyń kúıeýi Nurjan Imanálıev – isti bolǵan Arman Jumageldıevtiń senimdi serigi.

“Búgin Arman baýyrymyzǵa jáne onyń janyndaǵy baýyrlarymyzǵa qatysty qatań úkim shyqty. Bul júregimizge aýyr tıse de, biz musylman retinde Alla Taǵalanyń synaqtaryna sabyr etip, ár nárseniń hıkmetin túsinýge tyrysamyz. Alla Taǵala júregimizge sabyr berip, bul qıynshylyqty jeńýge kúsh-qýat násip etsin! Sabyr – musylmannyń eń ásem qasıetteriniń biri. Arman baýyrymyz ben onyń otbasyna bul synaq úlken emtıhan ekeni sózsiz. Biraq ár qıyndyqtyń artynda jeńildik bar ekenin umytpaıyq. Bul sátte biz baýyrlarymyzǵa qoldaý kórsetip qana qoımaı, duǵada bolýymyz kerek. Alla Taǵala barlyǵymyzǵa sabyr men ıman bersin, bul synaqtyń aqyryn jaqsylyqqa aınaldyrsyn. Arman baýyrymyz ben onyń otbasyna Allanyń meıirimi jaýyp, júrekterine tynyshtyq násip etkeı”, – dep jazdy Nurjan.

Eske salaıyq, Arman Jumageldıev pen onyń jaqtastaryna shyqqan sot úkiminiń egjeı-tegjeıi aıtylǵanyn jazǵan edik.

Almatyda Arman Jumageldıevtiń qylmystyq toby, jappaı tártipsizdik uıymdastyrǵany jáne azamattardy urlaǵany úshin sottaldy.

Sot málimetinshe, 2016 jyly Ulttyq qaýipsizdik komıteti 5-departamenti basshysynyń orynbasary Rýslan Iskakov ulttyq qaýipsizdik organdarynyń qoldaýyna kepildik beretinin aıtqan. Osylaısha Jumageldıevti seriktestikke kóndirgen.