Júregine oq atqan: Jetisý oblysyndaǵy áskerı bólimde jas sarbaz kóz jumdy

Foto: gov.kz

Jetisý oblysy Syraózektegi áskerı bólimde jas sarbaz kóz jumdy. Bul týraly qandastar.kz aqparat agenttigi Ratel.kz basylymyna silteme jasap habarlaıdy.

Oqıǵa 14 qańtar kúni №12740 áskerı bóliminde bolǵan.

«14.01.25 kúni saǵat 12:30 shamasynda №12740 (Saryózek) áskerı bóliminde qatardaǵy jaýynger Qurmanbek Dastan Maratuly AK-74 avtomatymen júregine oq atqan, ol sol jerde kóz jumdy. Ol 19.10.24 kúni Túrkistan oblysy Maqtaral aýdandyq áskerı okrýginen áskerge alynǵan», – delingen aqparatta.

Oqıǵaǵa qatysty áskerı bólim málimdeme jasady.

“Áskerı-dalalyq oqý-jattyǵýlar kezinde sarbaz atys qarýyn qoldaný erejesin buzyp, keýdesinen jaraqat alǵan. Qylmystyq is qozǵaldy. О́limniń sebepteri anyqtalyp, tergeý sharalary júrgizilýde, qurlyq áskerleriniń bas qolbasshysy basqaratyn arnaıy komıssııa taǵaıyndaldy. Qurlyq áskerleriniń qolbasshylyǵy marqumnyń týǵan-týystary men jaqyndaryna kóńil aıtady”, – delingen habarlamada.

Eske salsaq, buǵan deıin áskerı boryshyn ótep júrip kóz jumǵan sarbazdardyń analary prezıdent ákimshiligine úndeýjasaǵan edi.