«Júrek eljireıdi»: Qazaq sportshysyna qurmet kórsetken qyrǵyz balasy eldi súısintti

Jelide Qyrǵyz Respýblıkasynda ótken halyqaralyq sport festıvalinde jeńis tuǵyryna kóterilgen balalardy áreketi qyzý talqylanyp jatyr, dep habarlaıdy Qandastar.kz aqparat portaly.

Vıdeoda birinshi oryn ıelengen qazaq balasyna qyrǵyz sportshysy qurmet kórsetken sát taspalanǵan. Ol saıysta birinshi oryn alǵan qazaqstandyq dosyna bas kıimin sheship, syıǵa tartqan. Buǵan jaýap retinde jeńimpaz sportshy da qazaqstan týy beınelegen bas kıimin tartý etti. Keıin ekeýi birin-biri qushaqtap, dostyq pen tatýlyqtyń úlgisin kórsetti.

Muny kórgen jeli qoldanýshylary «Osyndaı kórinisterden kóz demalyp, júrek eljireıdi», «Tifáı, tifáı, jas urpaq aqyldy», «Qandaı keremet?! Árdaıym osylaı tatý bolyp júreıik», «Jaraısyńdar, bolashaq batyrlar!», «Dostyǵymyz máńgi bolsyn», «Osy eki jas búldirshinniń baýyrmaldyǵyn kókparshylarǵa bersin» dep jazdy.