جاڭالىقتار
جۋرناليست: ءدىني پروپاگاندا ءۇشىن ورانۋعا ۇسىنىلعان سوما 200-500 مىڭ دوللار اراسى
فوتو: جەكە قورىنان
بۇدان ءبىراز ۋاقىت بۇرىن تانىمال تەلەجۇرگىزۋشى دينارا ءساتجان «بلوگەرلەرگە حيدجاب كيگەنى ءۇشىن اقشا ۇسىنادى» دەپ ەدى. ەندى جۋرناليست اسەل قايروللا ءدىني پروپوگاندا ءۇشىن كەيبىرەۋلەرگە اقشا تولەنەتىنى تۋرالى قىزىق مالىمەت ۇسىندى, دەپ حابارلايدى Skifnews.kz اقپارات پورتالى.
بۇل تۋرالى ول Facebook جەلىسىندەگى پاراقشاسىندا جازدى. ونىڭ جازۋىنشا, وعان ەسىمىن اتاماۋدى سۇراعان ءبىر كىسى ورانۋ ءۇشىن قانشا اقشا تولەيتىنىن ايتقان كورىنەدى.
«ءوزىن اتاماۋدى وتىنگەن ء(تىپتى, جالىنعان) سەنىمدى دەرەككوزدەن: ءدىني پروپاگاندا ءۇشىن ورانۋعا ۇسىنىلعان سوما 200 000 — 500 000$ اراسى. قوسىمشا Bvlgari, Cartier, Tiffany, ت.ب. بىزدەگى ءدىننىڭ جاعدايى وسى», – دەپ جازدى جۋرناليست.
ونىڭ بۇل جازباسىن وقىعان جەلى قولدانۋشىلارى ءتۇرلى پىكىر جازا جونەلدى.
«ورانعىم كەپ كەتتى. ساقالدى مۇرتسىز قويام ءتىپتى», «ماعان نەگە ۇسىنبايدى اااا!? مىنا جاقتا داپتەر باعاسىن ەسەپتەپ وتىرمىن تيىن ساناپ. قاي جەرگە زاياۆكا تاستايدى?», «تەگىننەن تەگىن تاعىپ, شەشىپپىن عو…», «ساقال قويعانعا شە? ول تۋرالى ايتپادى ما? بىزگە شانس جوق پا?», «اقشاسىن بىلمەيمىن, بىراق جاقىن تۋىس اپكەم استانادا اسا بەلگىلى, اۋقاتتى ادامنىڭ اسپازى بولعان. انا كىسى «پاتەردە تۇرادى ەكەنسىز, ول ماسەلەنى رەتتەپ, باسىڭىزعا ءۇي بەرەم. بىراق ورانىپ جۇرسەڭىز دەگەن تالاپ بار» دەگەن. اپكەم «ونداي شەشىمدى پاتەر ءۇشىن دەپ قابىلداي المايمىن» دەپ جۇمىستان شىققان. كوز الدىمدا بولعان, كوزىم جەتكەن وقيعا. سونداي پارمەندى ادامداردىڭ اينالاسىنان كەلىپ تۇسەتىن ۇسىنىس بولار» دەپ جازدى جەلى قولدانۋشىلارى.
