Jýrnalıst: Dinı propaganda úshin oranýǵa usynylǵan soma 200-500 myń dollar arasy

Foto: jeke qorynan

Budan biraz ýaqyt buryn tanymal telejúrgizýshi Dınara Sátjan «Blogerlerge hıdjab kıgeni úshin aqsha usynady» dep edi. Endi jýrnalıst Ásel Qaırolla dinı propoganda úshin keıbireýlerge aqsha tólenetini týraly qyzyq málimet usyndy, dep habarlaıdy Skifnews.kz aqparat portaly.

Bul týraly ol Facebook jelisindegi paraqshasynda jazdy. Onyń jazýynsha, oǵan esimin atamaýdy suraǵan bir kisi oraný úshin qansha aqsha tóleıtinin aıtqan kórinedi.

«О́zin atamaýdy ótingen (tipti, jalynǵan) senimdi derekkózden: dinı propaganda úshin oranýǵa usynylǵan soma 200 000 — 500 000$ arasy. Qosymsha Bvlgari, Cartier, Tiffany, t.b. Bizdegi dinniń jaǵdaıy osy», – dep jazdy jýrnalıst.

Onyń bul jazbasyn oqyǵan jeli qoldanýshylary túrli pikir jaza jóneldi.

«Oranǵym kep ketti. Saqaldy murtsyz qoıam tipti», «Maǵan nege usynbaıdy aaaa!? Myna jaqta dápter baǵasyn eseptep otyrmyn tıyn sanap. Qaı jerge zaıavka tastaıdy?», «Teginnen tegin taǵyp, sheshippin ǵo…», «Saqal qoıǵanǵa she? Ol týraly aıtpady ma? Bizge shans joq pa?», «Aqshasyn bilmeımin, biraq jaqyn týys ápkem Astanada asa belgili, aýqatty adamnyń aspazy bolǵan. Ana kisi «páterde turady ekensiz, ol máseleni rettep, basyńyzǵa úı berem. Biraq oranyp júrseńiz degen talap bar» degen. Ápkem «ondaı sheshimdi páter úshin dep qabyldaı almaımyn» dep jumystan shyqqan. Kóz aldymda bolǵan, kózim jetken oqıǵa. Sondaı pármendi adamdardyń aınalasynan kelip túsetin usynys bolar» dep jazdy jeli qoldanýshylary.