جۋرناليست: ءدىننىڭ پيارىنا پايدالانىپ جاتىر. سپورتشى – قورعاۋعا مۇقتاج ادام

فوتو: اشىق دەرەككوز

قازاقستاندىق سپورتشىلاردىڭ باسىم كوپشىلىگى ء“دىندى پيار” رەتىندە پايدالانىپ جاتقانى تۋرالى الەۋمەتتىك جەلىدە ايتىلا باستادى, دەپ حابارلايدى Caravan.kz مەديا پورتالى.

بۇل ويدى Facebook جەلىسىندە ەربول جانات ۇلى قوزعادى.

«ەلدوس كەشە «وليمپيادا چەمپيونى بولۋ تاعدىرىما جازىلعان ەكەن» دەدى. ۇندەمەدىك. سەبەبى ول — چەمپيون. ال ءبىزدىڭ سانامىز اتاقتى مەن بيلىگى بار ادامدى سىناي المايدى.

اسلانبەك جەڭىلىپ قالعاندا «اللاھتىڭ قالاۋى سولاي بولدى» دەدى. سىنادىق. سەبەبى ءبىزدىڭ سانامىز ءالسىز بەن جەڭىلگەندەردى تاپتاپ ءوتىپ, ۇستىنە جۋىندى قۇيىپ كەتۋگە بەيىم.

تانىمال سپورتشىلاردى «قابا ساقال, قىرما مۇرت» قاۋىم قۇشاعىنا باسىپ العانى ەشكىمدى الاڭداتپايدى.

مەملەكەتتىڭ, سالىق تولەۋشىلەردىڭ قارجىسىمەن بالا كەزدەن باپتالىپ, بيىككە جەتكەن سپورتشى — حالىق وكىلى, حالىق پەرزەنتى. ونداي دايىن «ءونىمدى» بەكبولات, مۇحامەتجاندار ءوز «ءدىنىنىڭ» پيارىنا پايدالانىپ جاتقانىنا ءمان بەرمەيمىز.

بۇل — جاس سپورتشىلارعا جاسىرىن مەسسەدج. «ءبىزدىڭ دىندەگىلەر عانا وسىنداي جەتىستىككە جەتەدى» دەگەن ىم. «مىقتىلاردىڭ ءبارى ءبىزدىڭ قاتارىمىزدا!» دەگەن يشارا.

ال, سپورتشى — كوبىنە مۇندايلاردىڭ ارا-جىگىن اجىراتا الاتىن سانا يەسى بولمايدى. سپورتشى — كوپ شىنىققان دەنە, تاسىلدەردى كوپ قايتالاپ, باپتالعان ءتان يەسى. ونىڭ 24 ساعاتىنىڭ كوپ بولىگى فيزيكالىق دايىندىققا جۇمسالعان.

سپورتشى — ءدىني يدەولوگيالاردان قورعاۋعا مۇقتاج ادام!

جات ءدىني يدەولوگيادان ءبارىمىزدى قورعاۋشى — مەملەكەت!»,- دەدى جازدى ول.