Jýrnalıst: Dinniń pıaryna paıdalanyp jatyr. Sportshy – qorǵaýǵa muqtaj adam

Foto: ashyq derekkóz

Qazaqstandyq sportshylardyń basym kópshiligi “dindi pıar” retinde paıdalanyp jatqany týraly áleýmettik jelide aıtyla bastady, dep habarlaıdy Caravan.kz medıa portaly.

Bul oıdy Facebook jelisinde Erbol Janatuly qozǵady.

«Eldos keshe «Olımpıada chempıony bolý taǵdyryma jazylǵan eken» dedi. Úndemedik. Sebebi ol — chempıon. Al bizdiń sanamyz ataqty men bıligi bar adamdy synaı almaıdy.

Aslanbek jeńilip qalǵanda «Allahtyń qalaýy solaı boldy» dedi. Synadyq. Sebebi bizdiń sanamyz álsiz ben jeńilgenderdi taptap ótip, ústine jýyndy quıyp ketýge beıim.

Tanymal sportshylardy «qaba saqal, qyrma murt» qaýym qushaǵyna basyp alǵany eshkimdi alańdatpaıdy.

Memlekettiń, salyq tóleýshilerdiń qarjysymen bala kezden baptalyp, bıikke jetken sportshy — halyq ókili, halyq perzenti. Ondaı daıyn «ónimdi» Bekbolat, Muhametjandar óz «dininiń» pıaryna paıdalanyp jatqanyna mán bermeımiz.

Bul — jas sportshylarǵa jasyryn messedj. «Bizdiń dindegiler ǵana osyndaı jetistikke jetedi» degen ym. «Myqtylardyń bári bizdiń qatarymyzda!» degen ıshara.

Al, sportshy — kóbine mundaılardyń ara-jigin ajyrata alatyn sana ıesi bolmaıdy. Sportshy — kóp shynyqqan dene, tásilderdi kóp qaıtalap, baptalǵan tán ıesi. Onyń 24 saǵatynyń kóp bóligi fızıkalyq daıyndyqqa jumsalǵan.

Sportshy — dinı ıdeologııalardan qorǵaýǵa muqtaj adam!

Jat dinı ıdeologııadan bárimizdi qorǵaýshy — memleket!»,- dedi jazdy ol.