جۋرناليست قازاقستاننىڭ لەگيونەرلەردى اسىراپ وتقانىن ايتتى

فوتو: اشىق دەرەككوز

سپورت ءجۋرناليسى اسلان قاجەنوۆ وتاندىق فۋتبول سالاسىن سىناپ تاستادى, دەپ حابارلايدى qandastar.kz

«وتاندىق فۋتبول جاقىن بولاشاقتا وڭبايدى. جىلتىر جانە جەڭىل نارسەلەرگە الدانىپ ءجۇرمىز. حالىقتىڭ 55 ملرد تەڭگەسىن اۋاعا شاشىپ, “چەلسيمەن” كەزدەسكەنىمىزگە ءمازبىز. ودان دەڭگەيىمىز ءوستى مە, الدە, ءيمميدجىمىز ارتتى ما? لوندوندىق كلۋب ءبىزدى مازاق قىلىپ كەتتى عوي. ءۇشىنشى قۇرامىمەن ايقىن باسىمدىقپەن جەڭىپ تاستادى. جانكۇيەرلەرى بوراتتىڭ سۋرەتىن جان-جاققا جاريالاپ جاتىر. ەلىمىزدەگى فۋتبول سۇيەر قاۋىمنىڭ, اسىرەسە, وسكەلەڭ تولقىننىڭ تاۋى شاعىلدى. سونىڭ وزىندە “استانانى” اقتايتىندار بار», – دەدى ا.قاجەنوۆ.

ءجۋرناليستىڭ سوزىنشە, قازاقستان  لەگيونەرلەردى اسىراپ وتىر.

«مەن بىلاي ايتايىن. قازىر كورشى ەلدەر 2026 جىلعى الەم چەمپيوناتىندا ويناۋعا ۇمتىلىپ جاتىر. ءتىپتى, سول ماقساتقا ءبىر تابان جاقىن تۇر. ۇلتتىق قۇراماسى جانتالاسۋدا. ۇلتتىق مۇددەسى بارىنەن بيىك. ال, مىنالاردا نە بار?! قانداي ماقسات? قانداي مۇددە? قايداعى جوق لەگيونەرلەرگە ميللياردتاردى شاشىپ, سولاردىڭ جەڭىلگەنىنە شۇكىر ايتىپ وتىرمىز.

بۇگىن جاھاندىق جارىستا توپ جارىپ جاتقان اۋىر اتلەتىمىز, دۇنيەجۇزىلىك دودادا جەڭىسكە جەتكەن بالۋاندارىمىز, ازيا چەمپيوناتىنان 9 التىن, الەم چەمپيوناتىنان 6 التىن اكەلگەن بوكسشىلارىمىز الگى 55 ملرد تەڭگەنىڭ تامشىسىن دا المايدى. بىراق, ەل ءۇشىن بارىن دا, جانىن دا سالادى. ونىڭ قاسىندا مىنالاردىكى نە تىراشتانۋ? نەگە وسىلاردىڭ ەركەلىگىن كوتەرىپ, دەگەنىن ىستەپ ءجۇرمىز? پروستو, ءبارىن سىرتىنان بايقاپ, ءىشىم اشيدى. قايران, قازاقتىڭ اقشاسى… قايران, قازاقتىڭ بالالارى…», – دەپ اشىندى ول.