Jýrnalıst Qazaqstannyń legıonerlerdi asyrap otqanyn aıtty

Foto: ashyq derekkóz

Sport jýrnalısi Aslan Qajenov otandyq fýtbol salasyn synap tastady, dep habarlaıdy qandastar.kz

«Otandyq fýtbol jaqyn bolashaqta ońbaıdy. Jyltyr jáne jeńil nárselerge aldanyp júrmiz. Halyqtyń 55 mlrd teńgesin aýaǵa shashyp, “Chelsımen” kezdeskenimizge mázbiz. Odan deńgeıimiz ósti me, álde, ımmıdjimiz artty ma? Londondyq klýb bizdi mazaq qylyp ketti ǵoı. Úshinshi quramymen aıqyn basymdyqpen jeńip tastady. Jankúıerleri borattyń sýretin jan-jaqqa jarııalap jatyr. Elimizdegi fýtbol súıer qaýymnyń, ásirese, óskeleń tolqynnyń taýy shaǵyldy. Sonyń ózinde “Astanany” aqtaıtyndar bar», – dedi A.Qajenov.

Jýrnalıstiń sózinshe, Qazaqstan  legıonerlerdi asyrap otyr.

«Men bylaı aıtaıyn. Qazir kórshi elder 2026 jylǵy álem chempıonatynda oınaýǵa umtylyp jatyr. Tipti, sol maqsatqa bir taban jaqyn tur. Ulttyq quramasy jantalasýda. Ulttyq múddesi bárinen bıik. Al, mynalarda ne bar?! Qandaı maqsat? Qandaı múdde? Qaıdaǵy joq legıonerlerge mıllıardtardy shashyp, solardyń jeńilgenine shúkir aıtyp otyrmyz.

Búgin jahandyq jarysta top jaryp jatqan aýyr atletimiz, dúnıejúzilik dodada jeńiske jetken balýandarymyz, Azııa chempıonatynan 9 altyn, Álem chempıonatynan 6 altyn ákelgen boksshylarymyz álgi 55 mlrd teńgeniń tamshysyn da almaıdy. Biraq, el úshin baryn da, janyn da salady. Onyń qasynda mynalardiki ne tyrashtaný? Nege osylardyń erkeligin kóterip, degenin istep júrmiz? Prosto, bárin syrtynan baıqap, ishim ashıdy. Qaıran, qazaqtyń aqshasy… Qaıran, qazaqtyń balalary…», – dep ashyndy ol.