جۋرناليست: “قازاقتۋريزم” ديماشتان پيار جاساعانشا, الدىمەن تۋريستىك ورىنداردى دامىتىپ السىن

فوتو: اشىق دەرەككوز

بەلگىلى ءانشى ديماش قۇدايبەرگەن كولساي, قايىڭدى, شارىن شاتقالى مەن بوزجىرادا كليپ ءتۇسىرىپ جاتىر. بۇعان قاتىستى جۋرناليست دياس نۇراقىن مىناداي پىكىر ءبىلدىردى, – دەپ حابارلايدى qandastar.kz.

ايتۋىنشا, وسى ارقىلى ءانشىنىڭ الەمدەگى ميلليونداعان فاناتىن قازاقستاندى كورۋگە شاقىرۋ, ءتۋريزمدى دامىتۋ كوزدەلگەن. بىراق ءبىر كەمشىلىك بار.

“شەتەلدىكتەردى شاقىرماس بۇرىن كولساي مەن قايىڭدىداعى جابايى ءتۋريزمدى جويۋ كەرەك. اپتانىڭ جەتى كۇنىندە ىعى-جىعى بولىپ جاتاتىن تاۋ باسىنداعى “باراحولكانى” قوناقتارعا كورسەتۋ ۇيات. تسيۆيليزاتسيا جوق. تاماق ىشەتىن ورىندار از. گوستينيچنىي نومەر جەتپەيدى. ەڭ قىزىعى قىتايدان توپىرلاپ كەلەتىن تۋريستەردى تابلەتكا ۋازيكپەن قايىڭدىعا ءبىر اپارىپ كەلسەڭ, ەكىنشى ءبىزدىڭ ەلگە اياق باسپايتىن بولادى.

ال, بوزجىراعا بارىپ, كۇنگە قاقتالىپ, شاڭعا شاشالعان شەتەلدىكتىڭ كوڭىلى ءتۇسۋى مۇمكىن. ويتكەنى وندا وتىرىپ ءشاي ىشەتىن, اياق سوزىپ دەمالاتىن جەر جوق. تۋريست تەك سۋرەتكە تۇسۋدەن زەرىگەدى. سوندىقتان سەرۆيستى دامىتىپ الايىقشى. قازاقتۋريزم ديماشتىڭ اتىن پايدالانىپ پيار جاساعانشا, تۋريستىك ورىنداردى دامىتىپ العانى ابزال”, – دەپ جازدى ول فەيسبۋك پاراقشاسىندا.