Jýrnalıst Nazgúl men Qundyzdy qamqorlyǵyna ala alatynyn aıtty

Foto: ashyq derekkóz

Jýrnalıst Rýslan О́tepbaı Nazgúl men Qundyzdyń jaǵdaıyn bilý úshin arnaıy Tarazǵa bardy. Onyń janynda psıhoterapevt Sanjar Tursymetov ta bar, dep habarlady qandastar.kz

Olardy qyzdardyń zańdy qamqorshysy Zýlfııa Tólenova qarsy aldy. Rýslan О́tepbaı qyzdardyń azyp ketkenin aıtty. Alaıda Zýlfııa Tólenova osy sózden keıin halyqtyń shýlap ketkenin, ózine dóreki sózder aıtqanyn jetkizdi. Ári  ol qyzdardy Sarıev Ilııasqa berýge nıet bildirgen. Alaıda Ilııas at tonyn ala qashypty.

«Eger qyzdarǵa meniń qaraǵanym unamasa dep, qaraıtyn jaqsy adamǵa bergim keldi. Biraq ol “almaımyn” dedi. Men qyzdar úshin halyq aldynda jaýap beremin ǵoı”, — dedi qyzdardyń qamqorshysy.

Rýslan О́tepbaı Ilııastyń sharýasy shash etekten ekenin aıtyp, ózi qyzdardy qaraýǵa  qarsylyǵy joǵyn aıtty.

“Men qyzdardy alýǵa daıynmyn. Osy esińizde bolsyn. Ilııasqa beremin degenińizden sizdi sharshaǵan shyǵar dep oıladym. Álbette Ilııastyń jasaǵan jaqsylyǵy kóp. Biraq qaraý kerek bolsa qınalmaı qaraımyn”, — dedi jýrnalıst.