Jýrnalıst: Onlaın nesıe eldi qaryzǵa batyryp otyr

Foto: soz.kz: 

Jýrnalıst Sáýle Ábildahanqyzy onlaın kredıt alý týraly zań óz kúshin job kerektigin aıtty, dep habarlaıdy qandastar.kz

Bul týraly jýrnalıst Facebook-tegi paraqshasynda jazdy.

«Alaıaqtar kisi atynan nesıe alyp, eshteńeden beıhabar ańqaý eldi qaryzǵa batyryp ketetin oqıǵalar azaımaı tur.

Osy máseleni túp-tamyrymen joıý úshin depýtattar, úkimet músheleri onlaın nesıe berýdi toqtatyp, nesıe alatyn adam óz aıaǵymen bankke baryp alatyn zań qabyldaýy tıis.

Mysaly, О́zbekstanda nesıe alý ońaı emes. Bank nesıeni op-ońaı onlaın berip, halyqty alaıaqtarǵa baılap berip qarap otyrmaıdy. Tek óz aıaǵymen baryp, óz qolymen ótinish jazyp, eki garantyn aparyp, qajetti qujattaryn ótkizip, óz túrin kameraǵa túsirip, óz qolyn qoıyp, áreń degende nesıe alady.

Sizder de tezdetip alaıaqtar men olarmen aýyzjalasqan bank qyzmetkerleriniń jolyna osylaı tosqaýyl qoımasańyzdar, onda II kúnnen-kúnge damyp jatqan myna zamanda hakkerler de, alaıaqtar da kúnnen-kúnge kóbeıe beredi», — dep jazdy Sáýle Ábildahanqyzy.