Jýrnalıst: Talǵardaǵy 16 jasar jigitti óltirgen qylmyskerlerdiń sotyn onlaın ótkizý kerek

Ftto: jeke qorynan

Jýrnalıst Dáýren Seıitjanuly Talǵardaǵy jappaı tóbeles kezinde qaıtys bolǵan jigittiń sotyn onlaın ótkizýdi surady, dep habarlaıdy qandastar.kz.

“Qýandyq Bıshimbaevtyń isi sııaqty onlaın sot ótkizýdi usynamyn. Basqalarǵa da sabaq bolsyn” dep jazdy ol feısbýk jelisindegi paraqshasynda.

Aıta keteıik, Talǵardaǵy janjal jigittiń otbasy jalǵa alatyn dúkende bastalǵan. Qazir tergeý júrip jatyr. Týystarynyń aıtýynsha, saýda núktesine kelgen satyp alýshy syra alyp, aqshasyn tóleýden bas tartqan. Osydan keıin tóbeles bastalypty.

Týystary kúdiktiler jergilikti turǵyndar deıdi. Olardyń barlyǵy bir aýylda turǵan, biraq jeke tanys bolmaǵan. Tóbeleske qatysýshylardyń bári ustaldy.

“Kisi óltirý faktisi boıynsha polıııa qylmystyq is qozǵady. Oqıǵanyń barlyq qatysýshylary ustalyp, ýaqytsha ustaý ızolıatoryna qamaldy. Qylmystyq isti tergeý oblystyq polıııa departamenti basshylyǵynyń erekshe baqylaýynda”, – deıdi Almaty oblysy PD bastyǵynyń orynbasary Málik Qabdýalıev.

Tóbeleske qatysqan Sherzattyń aǵasyna úsh ret pyshaq salǵany belgili boldy. Qazir er adam aýrýhanada em qabyldap jatyr.