Jýrnalıst: Túrkııada qaıyrymdylyqpen tek arnaıy qorlar ǵana aınalysady

Jýrnalıst Danııar Esen qaıyrymdylyq qorlaryna qatysty halyqaralyq tájirıbeni bólisti, dep jazady qandastar.kz

«Túrkııada jer silkinisi kezinde sol elde boldym. Alanııadaǵy qazaqtar halyqtan aqsha jınady. Eki banktiń kartasyn kórsetti: qazaqstandyq bank jáne Túrkııa banki. Qyzyqtyń bári osy jerde bastaldy. Túrkııa kartasyna da halyq aqsha aýdardy.

Karta ıesine keshke qaraı polıııa kelip, suraq-jaýaptyń astyna alypty.

— Sizdiń kartańyzǵa kóp aqsha túse bastady. Nelikten? — dep suraǵan ǵoı.

Bizdiń jergilikti qazaq:

— Kómek retinde aqsha jınap jatyrmyz, — dep jaýap bergen.

Sonda Túrkııa polıııasynyń ókili:

— Bizde olaı aqsha jınaýǵa ruqsat joq. Qaıyrymdylyqpen tek arnaıy AFAD uıymy ǵana aınalysady. Eger toqtatpasańyz, elden shyǵaramyz, — dep eskertip ketken.

Sóıtip, Túrkııa bankiniń kartasyna aqsha jınaý toqtatyldy. Qazaqstan kartasyna jalǵasa berdi.

Jalpy, Túrkııada jeke adamdar halyqtan aqsha jınaı almaıdy. Tipti, Býrak О́zchıvıttiń ózi.

Qaıyrymdylyqpen tek arnaıy qorlar ǵana aınalysady. Qorǵa túsken 1 tıynnyń ózi saıtta onlaın kórsetilip otyrady. Mınýt, sekýndyna deıin. Jáne qaıda jumsalǵany da bári — halyqtyń nazarynda, onlaın», — dep jazdy jýrnalıst.