«Júrsinniń júırigi» bolǵan ataqty aıtysker alty jylǵa sottaldy

Foto: stopkadr

Aqyn memlekettik qyzymette otyrǵan kezde oryndalmaǵan jumys úshin bıýdjet qarjysyn alyp, ıemdengen.

Ulytaý oblysynyń Mádenıet, tilderdi damytý jáne arhıv isi basqarmasynyń basshysy sottaldy, dep habarlaıdy Kyn.kz aqparat agenttigi.

Antıkor málimetinshe, Jezqazǵan qalalyq soty oblystyń Mádenıet, tilderdi damytý jáne arhıv isi basqarmasynyń basshysy Á.S. Omarǵa qatysty úkim shyǵardy.

Ol murajaı mamandary men basqa da ǵalymdardyń maqalalar jınaǵyn shyǵarý boıynsha oryndalmaǵan jumystary úshin zańsyz aýdarý arqyly 2,3 mln teńge somasynda bıýdjet qarajatyn jymqyrǵany úshin kináli dep tanyldy.

Omar buryn Jezqazǵan qalalyq sotynyń 2024 jylǵy 12 naýryzdaǵy úkimimen para alǵany úshin 6 jylǵa bas bostandyǵynan aıyrylǵandyqtan, Qazaqstan Respýblıkasynyń Qylmystyq kodeksiniń 58-babynyń 3,6 bólikterine sáıkes, qylmystyq quqyq buzýshylyqtardyń jıyntyǵy boıynsha taǵaıyndalǵan jazanyń ótelmegen bóligin ishinara qosý arqyly Á.Omarǵa memlekettik qyzmette qyzmet atqarý quqyǵynan ómir boıyna aıyra otyryp, 6 jyl 6 aı merzimge bas bostandyǵynan aıyrý túpkilikti jazasy taǵaıyndaldy, – delingen málimette.

Ánýar Omarov kezinde aıtysker retinde kópshilikke keńinen tanylǵan. Ol keıingi jyldary memlekettik qyzmetke aýysyp, Ulytaý aýdanynyń ákimi bolyp eki ret taǵaıyndalǵan. Keıin Sátbaev qalasynyń ákimi bolyp, Ulytaý oblysy jańadan qurylǵan soń basqarma basshysy laýazymyna qyzmetke kiristi.