الەم جاڭالىقتارىجاڭالىقتار
جۇرت ترانسگەندەر دەپ شۋلاعان يمان حەليف فينالعا شىقتى
فوتو: news.sportbox.ru
2024 جىلعى پاريج وليمپياداسىندا الجيردەن كەلگەن يمان حەليف 66 كگ سالماق بويىنشا بوكستان فينالعا شىقتى, – دەپ جازادى qandastar.kz.
بۇل تۋرالى پاريج وليمپياداسىنىڭ رەسمي سايتى حابارلادى.
جارتىلاي فينالدا حەليف تايلاندتتىق دجانجاي سۋۆاننافەنگتى 5–0 ەسەبىمەن جەڭدى.
«ول ايەل ادام. سوعان قاراماي وتە مىقتى. مەن شاپشاڭدىعىمدى پايدالانىپ, جەڭىپ كەتپەك بولدىم. بىراق ول وتە مىقتى قارسىلاس بولدى», – دەدى سۋۆاننافەنگ.
حەليفتىڭ فينالعا شىعار جولى وڭاي بولعان جوق. 1/8 فينالدا يتالياندىق اندجەلا كاريني رينگتە جىلاپ, شايقاستى جالعاستىرۋدان باس تارتتى. ءتورتىنشى فينالدا الجيرلىك سپورتشى ۆەنگريالىق اننا لۋتسۋ ءحاموريدى 5–0 ەسەبىمەن جەڭگەن بولاتىن.
بىراق رينگتەن تىس جەردە حەليفكە قاتىستى گەندەرلىك ماسەلە داۋى بۇكىل الەمنىڭ نازارىن اۋداردى. 2023 جىلى حالىقارالىق بوكس فەدەراتسياسى (IBA) حەليف پەن تايۆاندىق لين ءيۋيتيندى ۇندىستانداعى الەم چەمپيوناتىندا گەندەرلىك تەست ناتيجەسىنە بايلانىستى ديسكۆاليفيكاتسيالاعان بولاتىن. بۇل تەستە ونىڭ ەر ادامنىڭ بويىندا بولاتىن تەستەستەروندارى كوپ ەكەنى انىقتالدى. ال 2024 جىلى حالىقارالىق وليمپيادا كوميتەتى وعان ايەلدەر اراسىنداعى جارىستارعا قاتىسۋعا رۇقسات ەتتى.
ەسكە سالا كەتسەك, بوكسشىنىڭ اكەسى ونىڭ بالا كۇنگى سۋرەتتەرى مەن تۋ تۋرالى كۋالىگىنىڭ سۋرەتىن كورسەتىپ, قىزى جايلى ترانسگەندەر دەگەن داۋدىڭ نۇكتەسىن قويدى.
