ءبىلىم
«جۇزدەن اسا ستۋدەنت بار»: ەلوردالىق IT كوللەدجىنىڭ تۇلەكتەرى مەملەكەتتىك گرانتسىز قالماق
فوتو: ۆيدەودان سكرين
استانادا IT كوللەدجىنىڭ تۇلەكتەرى مەملەكەتتىك گرانتسىز قالۋى مۇمكىن. تالاپكەرلەردىڭ ايتۋىنشا, ولار تەگىن ورىندارعا كونكۋرسقا دايىندالىپ جاتقان, دەپ جازادى qandastar.kz
الايدا ەمتيحاننان سوڭ بيىل گرانت جوق ەكەنىن بىلگەن. قازىر ۋنيۆەرسيتەتتىڭ ءوزى ماسەلەنى شەشۋگە تىرىسىپ جاتىر ەكەن. بۇل تۋرالى Stan.kz اقپارات اگەنتتىگىكتكسايتىنا سىلتەمە جاساپ حابارلايدى.
ادەل ءبىرجانوۆا بيىل ەلورداداعى IT كوللەدجىن ۇزدىك ديپلوممەن تامامداعان. ءبىر جىل بويى باكالاۆرياتقا ءتۇسۋ ءۇشىن ەمتيحانعا تىڭعىلىقتى دايىندالعان. سول ءبىلىم ورداسىندا وقۋىن جالعاستىرعىسى كەلگەن. بىراق اقىلى نەگىزدە ەمەس, مەملەكەتتىك گرانت ەسەبىنەن وقۋدى كوزدەگەن. الايدا جوسپارى ويداعىداي بولماعان.
«بيىل كوللەدج ستۋدەنتتەرىنىڭ ۋنيۆەرسيتەت تاڭداۋ مۇمكىندىگى شەكتەلدى. سونداي-اق كوللەدج تۇلەكتەرىنە بولىنەتىن گرانت سانى دا ازايدى. بۇل بىزگە دە اسەر ەتىپ جاتىر. ەندى Astana IT ۋنيۆەرسيتەتىنە اقىلى تۇردە عانا تۇسە الامىز», – دەدى كوللەدج تۇلەگى ادەل ءبىرجانوۆا.
ەندى جۇزدەن اسا تۇلەك مەملەكەتتىك گرانتسىز قالۋى مۇمكىن. ولار سوندا دا كونكۋرسقا قاتىسىپ, باعىن سىناۋعا دايىن وتىر.
«الدىڭعى كونكۋرس تۋرالى بىلتىر وقىدىم. 300 گرانت ءبولىنىپتى. ول كەزدە 40 ۇپايدان باستالاتىن ادامدار قابىلدانعان ەكەن. مەن جوعارى ۇپاي جينادىم. قىزىل ديپلومىم بار. گرانتقا تۇسۋگە مۇمكىندىگىم بار دەپ ويلايمىن. Astana IT ۋنيۆەرسيتەتىنە وقۋعا تۇسكىم كەلەدى», – دەدى كوللەدج تۇلەگى اباي تىلەۋعاليەۆ.
