«Júzden asa stýdent bar»: Elordalyq IT kolledjiniń túlekteri memlekettik grantsyz qalmaq

Foto: Vıdeodan skrın

Astanada IT kolledjiniń túlekteri memlekettik grantsyz qalýy múmkin. Talapkerlerdiń aıtýynsha, olar tegin oryndarǵa konkýrsqa daıyndalyp jatqan, dep jazady qandastar.kz

Alaıda emtıhannan soń bıyl grant joq ekenin bilgen. Qazir ýnıversıtettiń ózi máseleni sheshýge tyrysyp jatyr eken. Bul týraly Stan.kz aqparat agenttigiKTKsaıtyna silteme jasap habarlaıdy.

Adel Birjanova bıyl elordadaǵy IT kolledjin úzdik dıplommen támamdaǵan. Bir jyl boıy bakalavrıatqa túsý úshin emtıhanǵa tyńǵylyqty daıyndalǵan. Sol bilim ordasynda oqýyn jalǵastyrǵysy kelgen. Biraq aqyly negizde emes, memlekettik grant esebinen oqýdy kózdegen. Alaıda jospary oıdaǵydaı bolmaǵan.

«Bıyl kolledj stýdentteriniń ýnıversıtet tańdaý múmkindigi shekteldi. Sondaı-aq kolledj túlekterine bólinetin grant sany da azaıdy. Bul bizge de áser etip jatyr. Endi Astana IT ýnıversıtetine aqyly túrde ǵana túse alamyz», – dedi kolledj túlegi Adel Birjanova.

Endi júzden asa túlek memlekettik grantsyz qalýy múmkin. Olar sonda da konkýrsqa qatysyp, baǵyn synaýǵa daıyn otyr.

«Aldyńǵy konkýrs týraly byltyr oqydym. 300 grant bólinipti. Ol kezde 40 upaıdan bastalatyn adamdar qabyldanǵan eken. Men joǵary upaı jınadym. Qyzyl dıplomym bar. Grantqa túsýge múmkindigim bar dep oılaımyn. Astana IT ýnıversıtetine oqýǵa túskim keledi», – dedi kolledj túlegi Abaı Tileýǵalıev.