Jyl basynan beri 100-den astam bala terezeden qulaǵan

Jyl basynan beri qutqarý qyzmetterine turǵyn úılerdiń terezelerinen balalardyń qulaǵany týraly 102 habarlama túsken, sonyń ishinde 7 bala bolǵan. Bul týraly Tótenshe jaǵdaılar mınıstrliginiń resmı saıty silteme jasap qandastar.kz habarlaıdy.

TJM málimetinshe, 2024 jyldyń jazynda da balalardyń terezeden qulaýyna qatysty oqys jaǵdaılar sany artqan. TJM ókilderi mundaı faktiler tirkelgen kezde balalar aýyr jaraqat alyp, múgedek bolyp qalatynyn nemese qaıtys bolatynyn aıtady.

«2024 jyldyń basynan beri 112 shuǵyl áreket etý qyzmeti kezekshisiniń pýltine turǵyn úılerdiń terezelerinen balalardyń qulaǵany týraly 102 habarlama kelip tústi. Osylaısha, apat saldarynan jeti adam qaıtys boldy, qalǵan 95-i ártúrli jaraqattarmen aýrýhanaǵa jatqyzyldy», – delingen TJM habarynda.

Oqys oqıǵalar Astana (18), Almaty (2), Shymkent (5) qalalarynda, Qaraǵandy (12), Batys Qazaqstan (6), Shyǵys Qazaqstan (3), Qyzylorda (13), Atyraý (5), Jambyl (2), Qostanaı (6), Aqmola (5), Aqtóbe (2), Pavlodar (6), Soltústik Qazaqstan (1), Mańǵystaý (5), Abaı (5), Ulytaý (5), Jetisý (1) oblystarynda bolǵan.

«О́tken jyly osyndaı 170 jaǵdaı tirkeldi, ol kezde 2 men 13 jas aralyǵyndaǵy balalar eresekterdiń qaraýynsyz qalyp, terezelerden qulaǵan. Barlyq jaǵdaıda balalar terezege ózdiginen kóterilip, tireýish retinde ártúrli jıhazdardy qoldanǵan nemese moskıt toryna súıenip, onymen birge terezeden qulap ketken», – delingen habarlamada.