Jyl saıyn 15 jasqa tolmaǵan 775 myń qyz «ana» atanady

Elde áıelder arasyndaǵy júktiliktiń 40 paıyzǵa jýyǵy josparsyz oryn alady. Balany ómirge ákelý jaıynda sanaly túrde sheshim qabyldaıtyn juptardyń úlesi 30 paıyzdan sál ǵana asady,-dep habarlaıdy Qandastar.kz

Otbasyn josparlaý kabınetteri jetkilikti bola tura, statıstıka derekteri osyndaı bolyp otyr. Bul jaıynda Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa tóraǵasynyń orynbasary Lázzat Súleımen aıtty. Jasóspirimder arasynda bosaný men túsik jasatý, jynystyq jolmen beriletin ınfekııalardyń taralýy tyıylmaı tur. Bul sala áleýmettik kómekti qajet etetin eń ózekti máselege aınalǵan.

Ásirese, jasóspirim qyzdar men áıelderdiń reprodýktıvti densaýlyǵyn saqtaý mańyzdy. Qazir elimizde bala týý jasyndaǵy 4,7 mln-nan astam áıel bar. Al 18 jas shamasyndaǵy jastardyń sany 7 mıllıonǵa jýyq. Onyń ishinde uldar 51%, qyzdar 49%. Al Dúnıejúzilik densaýlyq saqtaý uıymynyń málimetinshe, jyl saıyn álemde 15-19 jas aralyǵyndaǵy 12 mln qyz «ana» atanady eken, onyń 775 myńy – 15 jasqa deıingi jasóspirim.