«جىلاپ قالدىم»: ءمولدىر اۋەلبەكوۆا ۇلىنا ارناپ اسەرلى جازبا جاريالادى

فوتو: https://www.instagram.com/moldir.auyelbekova/

تانىمال ءانشى ءمولدىر اۋەلبەكوۆا ۇلىنىڭ ايتقان سوزىنەن كەيىن, كوز جاسىنا ەرىك بەرگەنىن جاسىرمادى. بۇل تۋرالى Stan.kz اقپارات اگەنتتىگى حابارلايدى.

ونەر يەسى ۇلىن مەن قىزىن جالعىز ءوزى تاربيەلەپ وتىر.

“قوس قاناتىم! سالتايىم 2-سىنىپقا, اققىزىم بالاباقشاعا قادام باستى. بالالارىمىزدىڭ قادامدارى نىق, ءساتتى, بەرەكەلى بولسىن», – دەپ جازدى ەسترادا جۇلدىزى.

ودان كەيىن انشى ۇلى سالتايمەن تۇسكەن سۋرەتتەرىن ءبولىسىپ, بالاسىنىڭ وزىنە ايتقان سوزدەرىنەن كەيىن كوز جاسىنا ەرىك بەرگەنىن جەتكىزدى.

«سالتاي بۇگىن “اناشىم! قارىنداسىما ءوزىم قامقور بولامىن! الاڭداما!” – دەدى. جىلاپ قالدىم», – دەپ جازدى ءانشى.

ەسكە سالايىق, «قىزىما داۋن سيندرومى دياگنوزى قويىلدى» دەپ ءمولدىر اۋەلبەكوۆا ەكىنشى مارتە انا اتانعان ءساتىن ەسىنە العان ەدى.