«جىلقى ەتى – حارام…»: جۋرناليست ۇكىمەتكە ۇندەۋ جولدادى

حالىقتىڭ دەنساۋلىعىن, ساپاسىن مەملەكەت دۇرىستاۋعا مىندەتتى. بۇل تۋرالى قوعام بەلسەندىسى, تانىمال جۋرناليست ساۋلە ابىلداحانقىزى جازدى. ونىڭ جازۋىنشا, قىتاي لاپشالارىن قۇرتاتىن كەز باياعىدا جەتتى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

«گوريللادان, ەنەرگەتيكالىق سۋسىننان ءولىپتى» دەگەندى ءجيى ەستيتىن بولدىق. «جىلقى ەتى – حارام» دەيتىن ارابقۇلدار نەگە وسىنداي سۋسىنداردى, اعزاعا, دەنساۋلىققا زياندى, ومىرگە قاۋىپتى اس-سۋلاردى «حارام» دەمەيدى? پايعامباردىڭ ءوزى ايتقان, «دەنساۋلىققا پايدالى نارسە جەڭدەر, ال اعزاعا زياندىنىڭ ءبارى – ارام» دەگەن. ساۋاتسىز يمامدار ونى ايتپايدى. ال جىلقى ەتى, ءسۇتى – ناعىز دەنساۋلىققا پايدالى, ادال اس!

جالپى, دەنساۋلىققا نە زيان (زياندى اس-سۋ, اراق, تەمەكى, ناسىباي, ناركوتيك, ازارت ويىندار, ارام اقشا, ارتىق ويىن-كۇلكى, قىزعانىش, كورەالماۋشىلىق, ىشتارلىق, ۋايىم-قايعى ت.س.س.) – سونىڭ ءبارى ارام… ءتىپتى, كوپ ىشسەڭ – كوفە دە زيان, اسىرەسە, بۋىن اۋرۋلارىنا وتە زيان. (بۇرىن, ءوز باسىم, «كوفەمان» ەدىم, سوڭعى جارتى جىلدا, قانشا ىشكىم كەپ تۇرسا دا, ءوزىمدى تىيدىم. اپتاسىنا ءبىر رەت, ساعىنىپ-اڭساپ دەگەندەي جارتى قاسىق قانا سالىپ, جارتى چاشكا عانا ىشۋگە ءوزىمدى ۇيرەتتىم.

ەڭ الدىمەن ادامنىڭ ءوز-وزىنە جانى اشۋ كەرەك… وزىنە جانى اشىمايتىن ادامعا مەنىڭ دە جانىم اشىمايتىن بولعان.

ال حالىقتىڭ دەنساۋلىعىن, ساپاسىن مەملەكەت دۇرىستاۋعا مىندەتتى. ۇكىمەت (مەملەكەت) ازىق-ت ۇلىك قاۋىپسىزدىگىن قولعا الاتىن كەز باياعىدا جەتكەنىن تاعى دا قايتالايمىن… سورەلەردە تولىپ تۇرعان سۋسىندار مەن تەمەكىلەردى, قىتاي لاپشالارىن قۇرتاتىن كەز باياعىدا جەتتى. ستاندارتتاۋ, سەرتيفيكاتتاۋ باسقارماسى بار ما ءوزى? گوسستاندارت, حالىقارالىق ستاندارت دەگەن نورمالار جۇمىس ىستەي مە?

مەنەن كەڭەس: اعارعان كوپ ىشىڭىزدەر (ايران, ءسۇت, قىمىز, شۇبات, ساۋمال, قۇرت, ىرىمشىك). ەت, قۇيرىقماي دا كوبىرەك جەپ تۇرىڭىزدار. كۇندە تاڭەرتەڭ اشقارىنعا جىلى بالسۋ ءىشۋدى ادەتكە اينالدىرىڭىزدار!», – دەپ جازدى جۋرناليست الەۋمەتتىك جەلىدەگى پاراقشاسىندا.