«Jylqy eti – haram…»: Jýrnalıst Úkimetke úndeý joldady

Halyqtyń densaýlyǵyn, sapasyn memleket durystaýǵa mindetti. Bul týraly qoǵam belsendisi, tanymal jýrnalıst Sáýle Ábildahanqyzy jazdy. Onyń jazýynsha, qytaı lapshalaryn qurtatyn kez baıaǵyda jetti, dep habarlaıdy qandastar.kz Skifnews.kz aqparat portalyna silteme jasap.

«Gorılladan, energetıkalyq sýsynnan ólipti» degendi jıi estıtin boldyq. «Jylqy eti – haram» deıtin arabquldar nege osyndaı sýsyndardy, aǵzaǵa, densaýlyqqa zııandy, ómirge qaýipti as-sýlardy «haram» demeıdi? Paıǵambardyń ózi aıtqan, «densaýlyqqa paıdaly nárse jeńder, al aǵzaǵa zııandynyń bári – aram» degen. Saýatsyz ımamdar ony aıtpaıdy. Al jylqy eti, súti – naǵyz densaýlyqqa paıdaly, adal as!

Jalpy, densaýlyqqa ne zııan (zııandy as-sý, araq, temeki, nasybaı, narkotık, azart oıyndar, aram aqsha, artyq oıyn-kúlki, qyzǵanysh, kórealmaýshylyq, ishtarlyq, ýaıym-qaıǵy t.s.s.) – sonyń bári aram… Tipti, kóp ishseń – kofe de zııan, ásirese, býyn aýrýlaryna óte zııan. (Buryn, óz basym, «kofeman» edim, sońǵy jarty jylda, qansha ishkim kep tursa da, ózimdi tyıdym. Aptasyna bir ret, saǵynyp-ańsap degendeı jarty qasyq qana salyp, jarty chashka ǵana ishýge ózimdi úırettim.

Eń aldymen adamnyń óz-ózine jany ashý kerek… ózine jany ashymaıtyn adamǵa meniń de janym ashymaıtyn bolǵan.

Al halyqtyń densaýlyǵyn, sapasyn memleket durystaýǵa mindetti. Úkimet (memleket) azyq-túlik qaýipsizdigin qolǵa alatyn kez baıaǵyda jetkenin taǵy da qaıtalaımyn… sórelerde tolyp turǵan sýsyndar men temekilerdi, qytaı lapshalaryn qurtatyn kez baıaǵyda jetti. Standarttaý, sertıfıkattaý basqarmasy bar ma ózi? Gosstandart, halyqaralyq standart degen normalar jumys isteı me?

Menen keńes: aǵarǵan kóp ishińizder (aıran, sút, qymyz, shubat, saýmal, qurt, irimshik). Et, quıryqmaı da kóbirek jep turyńyzdar. Kúnde tańerteń ashqarynǵa jyly balsý ishýdi ádetke aınaldyryńyzdar!», – dep jazdy jýrnalıst áleýmettik jelidegi paraqshasynda.