جاڭالىقتار
جىلۋ ەنەرگەتيكاسىنا مونيتورينگ جۇرگىزىلەدى
ۋاكىلەتتى ورگان, تۇرعىن ءۇي قاتىناستارى جانە تۇرعىن ءۇي-كوممۋنالدىق شارۋاشىلىق سالاسىنداعى ۋاكىلەتتى ورگان, مەملەكەتتىك ەنەرگەتيكالىق قاداعالاۋ مەن باقىلاۋ جونىندەگى مەملەكەتتىك ورگان جانە جەرگىلىكتى اتقارۋشى ورگاندار وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جىلۋ ەنەرگەتيكاسى وبەكتىلەرى مەن جىلۋ جەلىلەرىنىڭ جاي-كۇيى تۋرالى اقپاراتتى جيناۋدى, جاڭارتىپ وتىرۋدى جانە جاريالاۋدى قوسا العاندا, ۇدايى مونيتورينگ جۇرگىزۋدى جۇزەگە اسىرادى.
مونيتورينگتەۋ جىلۋ ەنەرگەتيكاسىنىڭ ناقتى جانە جوسپارلى كورسەتكىشتەرىنىڭ نەگىزىندە, ونىڭ ىشىندە وسى قاعيدالارعا سايكەس جىلۋ ەنەرگياسىن ءوندىرۋ, تاسىمالداۋ, وتكىزۋ جانە تۇتىنۋ سەكتورلارى بويىنشا جۇزەگە اسىرىلادى.
مونيتورينگ جۇرگىزۋ ماقساتىندا اقپارات الۋ ءۇشىن جەرگىلىكتى اتقارۋشى ورگاندار جىلۋمەن جابدىقتاۋ سۋبەكتىلەرىنەن مىناداي اقپاراتتى جازباشا سۇراتادى:
- پەرسونال سانى;
- جىلۋمەن جابدىقتاۋ ساپاسى مەن كولەمى;
- جىلۋ ەنەرگياسىن تۇتىنۋ رەجيمدەرى;
- جابدىقتاردىڭ, جىلۋ جەلىلەرىنىڭ جانە قىزمەتتى جۇزەگە اسىرۋ ءۇشىن پايدالانىلاتىن وزگە دە م ۇلىكتىڭ جاي-كۇيى;
- اتالعان م ۇلىكتى جاڭعىرتۋ, جوندەۋ, رەكونسترۋكتسيالاۋ, اۋىستىرۋ جونىندەگى شارالار;
- ەنەرگيا تيىمدىلىگىن ارتتىرۋ جانە جىلۋ ەنەرگياسىنىڭ شىعىنىن ازايتۋ جونىندەگى شارالار;
- جاڭارتىلاتىن ەنەرگيا كوزدەرىن پايدالانۋ تەحنولوگيالارىن ەنگىزۋ جونىندەگى شارالار;
- جەكە جىلۋمەن جابدىقتاۋ جۇيەلەرىندە پايدالانىلعان وتىننىڭ مولشەرى مەن ءتۇرى تۋرالى.
جىلۋمەن جابدىقتاۋ سۋبەكتىلەرىنىڭ جەرگىلىكتى اتقارۋشى ورگانداردىڭ سۇراۋ سالۋى بويىنشا اقپارات بەرۋ مەرزىمى كەمىندە 10 (ون) جۇمىس كۇنىن قۇرايدى.
ەلەكتروندىق قۇجات اينالىمى جۇيەسى بولعان كەزدە قۇجاتتار جەرگىلىكتى اتقارۋشى ورگاندارعا ەلەكتروندىق فورماتتا ۇسىنىلادى.
جەرگىلىكتى اتقارۋشى ورگاندار مونيتورينگ اياقتالعاننان كەيىن 10 (ون) جۇمىس كۇنى ىشىندە كورسەتكىشتەر مەن ولشەمشارتتار بويىنشا بارلىق دەرەكتەردى كورسەتە وتىرىپ, مونيتورينگ ناتيجەلەرىن وزدەرىنىڭ رەسمي ينتەرنەت-رەسۋرستارىنا ورنالاستىرادى.
2026 جىلعى 1 قاڭتاردان باستاپ مونيتورينگ جىلۋ ەنەرگەتيكاسىنىڭ ناقتى جانە جوسپارلى كورسەتكىشتەرى نەگىزىندە, ونىڭ ىشىندە وسى قاعيدالارعا سايكەس جىلۋ ەنەرگياسىن ءوندىرۋ, تاسىمالداۋ, وتكىزۋ جانە تۇتىنۋ سەكتورلارى بويىنشا جۇزەگە اسىرىلاتىنى تۋرالى تارماق تولىقتىرىلادى.
بۇيرىق 2025 جىلعى 28 قاڭتاردان باستاپ قولدانىسقا ەنگىزىلەدى.
