“جىنىستىق ارەكەت جاساماق بولعان”. كەلىنىنە قول جۇگىرتكەن ەر ادام جۇرتتى شوشىتتى

تاشكەنت قالاسىندا كەلىنىنە جىنىستىق سيپاتتاعى ارەكەتتەر جاساماق بولعان ەر ادام ۇستالدى, دەپ جازادى Qandastar.kz اقپاراتتىق پورتالى Nova24 باسىلىمىنا سىلتەمە جاساپ.

Nova24 باسىلىمىنىڭ حابارلاۋىنشا, وقيعا يانگيحايوت اۋدانىندا بولعان. 49 جاستاعى ەر ادام ۇلىنىڭ وتباسىمەن بىرگە ءبىر ۇيدە تۇرعان. ءبىر كۇنى ول ءوز كەلىنىنە قاتىستى جىنىستىق سيپاتتاعى ارەكەتتەر جاساماق بولعان.

سوت وتىرىسىندا ەر ادام كىناسىن مويىنداپ, ىستەگەن ىسىنە وكىنەتىنىن ءبىلدىرىپ, مۇنداي جاعدايدىڭ قايتالانبايتىنىنا ۋادە بەرگەن.

سوت ونى اكىمشىلىك قۇقىقبۇزۋشىلىق تۋرالى كودەكستىڭ 41-1-بابى (جىنىستىق قولايسىزدىق كورسەتۋ) بويىنشا كىنالى دەپ تانىپ, 5 تاۋلىككە اكىمشىلىك قاماققا الۋ جازاسىن تاعايىندادى.