«جىنىسىن اۋىستىردى». بوكسشىنىڭ اكەسى بالاسىنىڭ تۋ تۋرالى كۋالىگىن كورسەتتى

فوتو: Daily Mail

بوكستان ءالجيردىڭ ايەلدەر قۇراماسىنىڭ مۇشەسى يمان حەليفتىڭ اكەسى امار حەليف سپورتشىنىڭ قىز بالا ەكەنىن دالەلدەۋ ءۇشىن بالا كەزىندەگى سۋرەتتەرىن كورسەتتى, – دەپ حابارلايدى qandastar.kz 1bol.kz-كە سىلتەمە جاساپ.

Daily Mail مالىمەتىنشە, يمان حەليفتىڭ قىز ەكەنىن راستايتىن 1999 جىلعى 2 مامىرداعى تۋ تۋرالى كۋالىگىن كورسەتتى.

«ونىڭ تاراپىنا ايتىلعان سوزدەر اقىلعا قونبايدى. بۇل ادىلەتسىز. يمان – 6 جاسىنان باستاپ سپورتتى جاقسى كورەتىن, فۋتبول ويناپ وسكەن كىشكەنتاي قىز بالا. بۇل سىننىڭ ءبارى يماندى جولدان تايدىرۋ ءۇشىن, ونىڭ وليمپيادا چەمپيونى اتانۋىنا كەدەرگى كەلتىرۋ ءۇشىن ايتىلىپ جاتىر. بىراق ول شارشى الاڭدا ءبارىنىڭ قاتەلەسكەنىن دالەلدەيدى, الجير مەن بارلىق اراب ەلدەرىن التىن مەدالى ارقىلى تانىتادى دەپ ۇمىتتەنەمىن. ول ءبىز ءۇشىن ناعىز ۇلگى تۇتارلىق تۇلعا», – دەدى امار حەليف.