«Jynysyn aýystyrdy». Boksshynyń ákesi balasynyń týý týraly kýáligin kórsetti

Foto: Daily Mail

Bokstan Aljırdiń áıelder quramasynyń múshesi Iman Helıftiń ákesi Amar Helıf sportshynyń qyz bala ekenin dáleldeý úshin bala kezindegi sýretterin kórsetti, – dep habarlaıdy qandastar.kz 1bol.kz-ke silteme jasap.

Daily Mail málimetinshe, Iman Helıftiń qyz ekenin rastaıtyn 1999 jylǵy 2 mamyrdaǵy týý týraly kýáligin kórsetti.

«Onyń tarapyna aıtylǵan sózder aqylǵa qonbaıdy. Bul ádiletsiz. Iman – 6 jasynan bastap sportty jaqsy kóretin, fýtbol oınap ósken kishkentaı qyz bala. Bul synnyń bári Imandy joldan taıdyrý úshin, onyń Olımpıada chempıony atanýyna kedergi keltirý úshin aıtylyp jatyr. Biraq ol sharshy alańda báriniń qateleskenin dáleldeıdi, Aljır men barlyq arab elderin altyn medali arqyly tanytady dep úmittenemin. Ol biz úshin naǵyz úlgi tutarlyq tulǵa», – dedi Amar Helıf.