زيرات ماڭىنان سۋ الىپ كەلگەن: Samal سۋىن ءوندىرۋشى كومپان

فوتو: samal.kz

Samal cۋىن ءوندىرۋشى «بيزنەس پارك ناۆيگاتور” جشس ليتسەنزياسىنان ايىرىلدى. بۇل تۋرالى Stan.kz اقپارات اگەنتتىگى حابارلايدى.

بۇعان دەيىن جەلىدە كومپانيانىڭ سۋدى زيرات ماڭىنان الاتىنى تۋرالى اقپارات تاراعان ەدى.

«زيراتتىڭ جانىنان سۋ الىپ, ونى حالىققا تابيعي سۋ رەتىندە قالاي ساتا الاسىزدار?», – دەلىنگەن 2GIS قوسىمشاسىندا زاۋىتقا جازىلعان پىكىردە.

«بيزنەس پارك ناۆيگاتور» جشس كومپانياسى «كەرەمەت سۋ سكە» جشس ءۇشىن سۋ وندىرەدى. ولاردىڭ فابريكاسى بارتولد كوشەسى, 157ۆ مەكەنجايىندا ورنالاسقان. ودان 500 مەتر جەردە سولتۇستىك الماتى زيراتى باستالادى.

كومپانيانىڭ رەسمي سايتىندا جاريالانعان اقپاراتتا, سۋ كوزىنىڭ تۇركسىب اۋدانىندا 300 مەتردەن تەرەڭدىكتەگى ارتەزيان ۇڭعىسى ەكەنى كورسەتىلگەن. ءدال سول جەردە زيرات ورنالاسقان.

قازاقستاننىڭ ەلەكتروندىق ليتسەنزيالاۋ سايتىنداعى اقپاراتقا سايكەس, «بيزنەس پارك ناۆيگاتور” جشس تۇركسىب اۋدانىن بويىنشا سانيتارلىق-ەپيدەميولوگيالىق باقىلاۋ دەپارتامەنتىنىڭ بۇيرىعىمەن 17 شىلدەدە ليتسەنزياسىنان ايىرىلعان.