«Zolotaıa jızn» gazdalǵan sýsynyna tekseris júrgizildi: ony ishýge tyıym salyna ma?

Foto: ashyq derekkóz

Qazaqstanda «Zolotaıa jızn» gazdalǵan sýsynyna tekseris júrgizildi. Sýsyndy ishýge Qyrǵyzstanda tyıym salynǵan bolatyn, dep habarlaıdy Massaget.kz tilshisi.

Aıta keteıik, jaqynda Bishkekte Aýǵanstannan ákelingen «Zolotaıa jızn» gazdalǵan sýsyny satylymnan alynyp tastalǵany belgili boldy.

Qazaqstan Densaýlyq saqtaý mınıstrliginiń sanıtarlyq-epıdemıologııalyq baqylaý komıtetiniń málimetinshe, olar Royal, Paradise, Mani, Pure, «Zolotaıa jızn» hosh ıisti alkogolsiz gazdalǵan sýsyndarǵa sanıtarlyq tekserý júrgizgen.

«Atalǵan gazdalǵan sýsyndardy tańbalaý Keden odaǵynyń tamaq ónimderin tańbalaý bóliginde «tehnıkalyq reglamentiniń talaptaryna sáıkes kelmeıtini anyqtaldy», – dep habarlady komıtet ókilderi Tengrinews.kz tilshisine.

Qazaqstandyq mamandar sýsyndarda «quramynda boıaǵysh (azorýbın E122) bar» degen eskertý jazýy joq ekenin anyqtady. Densaýlyq saqtaý mınıstrliginiń málimeti boıynsha, ol balalardyń belsendiligi men nazar aýdarýyna teris áser etýi múmkin.

Sonymen qatar, paketterde sýsyndardyń quramy men taǵamdyq qundylyǵynyń kórsetkishteri, sondaı-aq shyǵarylǵan kúni men jaramdylyq merzimi joq.

«Sondaı-aq, atalǵan sýsyndarda sáıkestik týraly deklaraııalar joq ekeni anyqtaldy, bul daıyndaýshynyń (ımporttaýshynyń) Keden odaǵy tehnıkalyq reglamentteriniń mindetti talaptaryna sáıkestigin baǵalaý rásimderinen ótpegenin kórsetedi», – dep túsindirdi Densaýlyq saqtaý mınıstrligi.

Ishki naryqty qorǵaý maqsatynda komıtet tekserý nátıjeleri týraly «Atameken» Ulttyq kásipkerler palatasyna habarlady. Ol, óz kezeginde, saýda kásiporyndaryna ruqsat qujattarynsyz atalǵan ónimdi satyp almaýdy eskertýi kerek. «Zolotaıa jızn» sýsynyn jáne basqalaryn satýǵa áli resmı tyıym joq.

Sýsyndy ishkennen keıin qazaqstandyqtar arasynda ýlaný týraly shaǵymdar tirkelmegen.