جاڭالىقتار
«زورلاپ, ۆيدەوعا تۇسىرگەن»: شىمكەنتتە 21 جانە 15 جاستاعى اپكەلى-ءسىڭلى وزدەرىنە قول سالىپ, اۋرۋحاناعا تۇسكەن
فوتو: اشىق دەرەككوز
نەمولچي قورى شىمكەنت اۋرۋحاناسىنىڭ قىزمەتكەرى اۋرۋحاناعا وزىنە قول سالماق بولعان ەكى قىزدىڭ تۇسكەنىن مالىمدەدى. سوزىنشە, ولار زورلىق-زومبىلىقتىڭ قۇربانى بولعان. قاسكويلەردىڭ ىشىندە پوليتسيا قىزمەتكەرى بار كورىنەدى. بۇل تۋرالى Stan.kz اقپارات اگەنتتىگى حابارلايدى.
نەمولچي قورىنىڭ حابارلاۋىنشا, 30 شىلدەدە 21 جانە 15 جاستاعى اپكەلى-سىڭلىلەر ت.ورىنباەۆ اتىنداعى گيپەرباريالىق وكسيگەناتسيا ورتالىعىنىڭ توكسيكولوگيا بولىمىنە تۇسكەن. سونداعى قىزمەتكەردىڭ سوزىنشە, ولار وزدەرىنە قول سالماق بولىپتى.
“قىزداردى زورلاپ, ۆيدەوعا تۇسىرگەن ەكەن. بىرەۋگە ايتسا, ۆيدەونى تاراتامىز دەپ قورقىتقان. قاسكويلەردىڭ ىشىندە پوليتسەي دە بار. قىزدار ارىز جازدى جانە ولارمەن پسيحولوگ جۇمىس ىستەپ جاتىر. ولار ءالى اۋرۋحانادا جاتىر”, – دەلىنگەن حاتتا.
دەرەك بويىنشا ولار 4 اي بۇرىن زورلاعان. كەيىن تاعى دا زورلاماق بولعاندا قىزدار شىداماي, وزدەرىنە قول سالدى.
شىمكەنت قالالىق ءىىد ءباسپاسوز قىزمەتى بۇل ىسكە كۇدىكتىلەردىڭ ۇستالعانىن حابارلادى.
«قازىرگى ۋاقىتتا وسى فاكتى بويىنشا قىلمىستىق ءىس قوزعالىپ, كۇدىكتىلەر ۋاقىتشا ۇستاۋ يزولياتورىنا قامالدى. قازىرگى تاڭدا تەرگەۋ ارەكەتتەرى جۇرگىزىلىپ جاتىر. كۇدىكتىلەردىڭ ءبىرى قىلمىستىق-اتقارۋ جۇيەسى مەكەمەسىنىڭ بۇرىنعى باقىلاۋشىسى ەكەنىن حابارلايمىز», – دەپ حابارلادى پوليتسيا.
- الايدا باسقا اقپاراتتى بەرۋدەن باس تارتتى.
